تعايشي مع وضعك ،، مستحيل زوجك يتحمل مسؤولية الصرف عنك وحطي تحت " مستحيل " عشرين خط .
شرعًا نعم ، هو ملزوم بهالشيء ، لكن بالواقع مافيه رجل بيدفع عشان زوجته وهي موظفة ..

لأن طبيعة بني آدم الطمع ، بيقول ليه أدفع وأنزنق وأفلّس وهي يجيها كل شهر راتب دبل راتبي ؟!
هذا غير نصايح الأهل والأصدقاء : زوجتك موظفة = صرّافة متنقلة .

وإذا الزوج مره كويس ، خلى زوجته هي تشيل مسؤولية نفسها .. بينه وبين نفسه انه ما قصّر وأحسن من غيره اللي ياخذ من زوجته فلوس ..

هذا الواقع صعب نغيره ، ولو بندقق بكل شيء بنتعب ..


وأنتي مش بخيلة ومنتي زعلانة لأنه مادفع القسط .. أنتي زعلانة ع أسلوبه الجاف وكلامه القاسي اللي قاله لك .

حاولي تبحثين عن حل للحساسية المفرطة وكيف تستقلين بمشاعرك بترتاحين جدًا ..

سؤال لو مافي إحراج ، كم تصرفين من راتبك بصراحة ؟ الثلث أو أقل ؟

__________________
سبحان الله وبحمده ، سبحان الله العظيم