السلام عليكم ورحمه الله

اسأل الله ان يجعلك مبارك اينما كنت .

اخي قد قلت له الكلام هذا من قبل و دايم اسنده بان الله عنده الرزق سبحانه ، و ارسل له رسائل ايجابيه و اذكره برسائل دينيه ان الله سبحانه لايعجزه شي و رسائل كثير ، لكنه يكتفي بالصمت !

بالنسبه للمحكمه انا م ابغاها ابد ، لكنها كانت رده فعل لاخواني لانهم يتصلون فيه و لا يرد و هذا الي زاد الطين بله
لو كان يتواصل معهم كان تعاونو معه بشكل كبير
اخواني فسرو صمته انه (بيعلقني او انه مطنشهم) و دايم يسئلون ليه م يرد ؟ و هالشي اغضبهم .
ف رسالتي السابقه تكلمت بالعقل كما طلبت مني ، و لو بتكلم بالعاطفه فانا متمسكه فيه 100% و عرضت اني اشتغل و نتعاون و نأجل مسأله الانجاب وان الحال ربي بيزينه ، و يكون رده ( يكون خير)
هنا انا اتحطم بصدق ، لاني اسعى للاصلاح بكل جهدي و رده فعله دايم تخيبني للاسف .
طوال هذي الفتره م حسسني انه متمسك فيني مع اني متأكده العكس .
تعامله معي بهذا الشكل عشان لا اتأمل بالرجعه او ينتظرني اطلب الانفصال ( هذا تحليلي لرده فعله)

حاليا افكر اني اتبع الخطوات التاليه:
ف البدايه م راح اتكلم ف اي موضوع ، راح ارسل له الغاز او شي يحبه بحيث انه يرد علي بعدها ، دون ان اتطرق لموضوعنا مثل م تفضلت و اسئله عن احواله.
بعدها بايام راح احاول فيه مره ثانيه يزورنا بعد م يكلم اخواني و يتفاهم معهم .

و لو عندك اخي الفاضل اي اضافات ياليت تفيدني .
المعذرة عن الاطاله لكن احس م اعرف اوصل الافكار بسبب ذهني المشوش

الله يجزاك خير و يبارك فيك