هذا هو قاعد لي على الصغيرة قبل الكبيرة .. وعلى فكرة ترى مو بس السيارة اللي لي عنده .. حتى السيارة القرمبع الثانية اللي تقول عليها انا اللي شريتها له وساكته .. البيت اللي بانيته له بالديرة وطلبت منه يكتب ه باسمي وقالي طيب وسحب علي وساكته .. يعني خلاص ياتعطيني زوجتي ياماعاد اقوم فيها وادلعها .. وش هالمنطق الغريب..

__________________
اللهم أسألك أن تحقق لي ماأتمناه عاجلا غير آجل .. وأن تحقق لأختي "المنسية" راحة وسكينة وعافية ..

من بعد رد الأخ تحملتك كفايه ايقنت وبصمت بالعشرة ان كلام ريماس صدق ،، فعلا منطق غريب

يعني هو يذلها من حقه وهو صاحب القوامه ! بس هي تطالب بحقها على طول بيت اهلها ؟؟

صارت الحياة الزوجيه قائمه على تعطيني اعطيك و مساومه على الطالع والنازل '!

اسمعيني قريت موضوعاتك الأخيرة وكلها تتمحور حول المادة والفلوس
وبسبب هالمشكلة قل الاحترام بينكم وانتي صرتي تنكدين عليه، اختلافاتكم صارت اسبوعية بداية الشهر ونهايته تزداد اكثر مع نزول ونفاد الراتب، مشكلتك بالسيارة خليتي القسط ينخصم من راتبك، وما اجبرتيه من البداية يستقطع من راتبه المبلغ ويتحول لك مباشرة،فهذي إنتي كل يوم مشكلة معه، بنائك للقسم بالقرية ايضا تحسب عليك، بادرتي وبادرتي وبعدها من اختنقتي بالاقساط صرتي تحاسبينه تأخرتي كثير بالحساب، ع بالك إذا كيشتي السيارة بترتاحين؟ مين بياخذك للدوام ومشاويرتك وسفراتك، بيع السيارة بيجي عليك آثارها، السيارة اللي شريتيها لو رضيتي بهيونداي بأقساط وبتخلص اسرع من اللي عندك الحين صدقيني راح تظلين شهريا تدفعين اقساطها

لاحول ولا قوة الا بالله

احد جاب طاري انك تحصين حلالك اللي قدمتيه له ؟ احط ضربك على يدك وقالك اشتري له سيارات وابني له بيت بالديرة ؟ مو كل هذا كان برغبتك ؟

طيب المشكلة الان باقساط السيارة الجديدة لاتربطين مشاكل قديمة مدفونه ماانحلت بمشكله جديدة مانحلت وبعدها مشكلة جديدة مانحلت وتتراكم المشاكل وتدفنونها ماتحلونها

ثم تقولين والله الحياة بيننا صعبة من صعوبة حلكم للمشاكل

يا اختي المنطق هذا هو نفس المنطق اللي انتي عايشة فيه

بعطيك بفلوسي بس خلك تحت رحمتي مهما قلت لك ومهما اطريت الطلاق اسكت وتمسك فيني

صدقيني راح تستمرون على هالحال فترة لايعلم بها الا الله

الانفصال قادم لا محاله مشاكلكم كل مالها وتكبر وانتي امام خيارين

اما تلاحقينه نهاية كل شهر سدد ولما يقول ماعندي تمشينها وتدفعين وتسكتين

اما تخربينها وتبيعين السيارة وقتها المعادلة والمنطق اللي عايشين فيه انتي وهو اختل فهو ماراح يبقى على نفس الوزنية لازم ردة فعل لهالتصرف صح ولا لا ماراح يسكت على سحب السيارة ايش تتوقعين بيصير ؟

والله يا اخت ديمه نصحناها وقلنا لها لاتقدمين على خطوة تغيير السيارة حرام عليك

بتضغطين نفسك وتضغطين الرجال معاك قالت لا واقسمت وحلفت وقلنا لها بينزنق كثرة الاقساط عليه وعليك

ماصدقتنا وبالاخير سوت اللي تبي ليه لانها كانت مبسوطه مع زوجها

الاخت لست كغيري لما يدللها زوجها تقول طز بالفلوس

ولما تتهاوش معاه وتقوله مانت مجبور علي يصير وقح ومنان واستغلالي
وشو زوجها بالضبط ماعرفنا
انا كرجل لما انزنق وانتظر من زوجتي توقف معاي وتتحمل هالقسط تروح تبيع السيارة والله اكرهها اتمنى ماحد ياخذ الرد ويربطه بشخصيتي

أختي

هل أنتِ تزوجتي زواج تقليدي ولم تكوني تعرفيه

أو عن معرفة وحب وسابق

يارك الله فيك

إسمعي كلام الأخ تحملتك كفايه هو رجل ويفهم طريقة تفكير زوجك

__________________
الحمدلله حمدا جزيلا ...

زواج تقليدي

__________________
اللهم أسألك أن تحقق لي ماأتمناه عاجلا غير آجل .. وأن تحقق لأختي "المنسية" راحة وسكينة وعافية ..

ماربطت الرد بشخصيتك واعتذر لو فهمت ردي خطأ

بس شوي عدل هي ماقصرت دفعت له السيارة و المقدم و قدمت له شي كبير
وهو وعدها يقسط لها كل شهر .. راتبها مايبقى منه الا ألفين ريال
و المؤمنون على شروطهم ليش يخلف بوعده و يورطها ؟؟ من البدايه كان ماطلب منها و احرجها بالقرض
و اذا كل رجل بيعامل زوجته من مبدأ تعطيني ولا اقلب الطاولة عليك هذا رجل ماعليه حسوفه

لا فيها ضغط عليه ولا شيء .. هو كذا ولا كذا كان يقسط لي بالسيارة الاولى كان يقسط1500 وبالسيارة الثانية بالعكس نزل القسط وصار1300لان قيها دفعة اولى ودفعة أخيرة .. بس هو قايل في نفسه وش علي ينسحب القسط من راتبها وانا ولا يجيني شيء وان تكلمت قلت لها روحي بيت أهلك . فعلا مثل هالرجال ماعليه حسوفة..

__________________
اللهم أسألك أن تحقق لي ماأتمناه عاجلا غير آجل .. وأن تحقق لأختي "المنسية" راحة وسكينة وعافية ..