تقصدي اللي تتلبس ف اليد ولا في العضد نفسه

تعالي اخمممممك انتي فينك من زماااان ؟
الحين بس استوعبت من سؤالك ان العضد مكان ثاني غير اللي نلبس فيه المضعد ..
وخوياتك اذونا عضد وعضد وسوونا مانفهم وعاكسين الحروف

الحين بتيي طموحة وتجادل.

قال اللغة معاهم قال.




عموماً .. لا مضاعد ولا معاضد.

أحسن لي أروح اشتري غوايش.

__________________


اللهم طِيبَ الأثر .. وحُسْنَ الرحيل.

هلا بج والله زين وصلت المعلوممة بس انتو فين تلبسون المضعد هذا وهو نفسه الغوايش ولالا
وعلى فكرة المضعد واضح ماخوذة من كلمة عضد بس انتو قالبينها الله لا يقلبلنا حال 😂

بعيناج عون صرتيلنا فرعون ؟
والله مادري شنهي الغوايش جننتونا كل يوم مطلعين تسمية ..
تنحط مثل الاساور في الرسغ ..
الفرق بينها وبين الاسوارة او مثل ما احنا نسميها سويرة ان السويرة لها قفل يتسكر وينفتح .. بس المضعد صبة وحدة ندخل يدنا فيه ..
رجعوا لصور مضاعدي ..

تفيده
مو بس اللغة معنا حتى قوقل معنا

كتبت في قوقل مضعد قال
هل تقصد :*معضد


وبعد البحث والتنقيب المستمر
اتيت بالدليل الاخر من موقع كويتي
كلمة مضعد
المعنى: اسوار والجمع مضاعد، وغالباً يشار إلى الأساور الذهب .
مثال : أنا شارية المضاعد اب 200 دينار
أصل الكلمة: مقلوبة من "العضد"
وهو العضد الساعد، أي مابين المرفق الى الكتف. "كما وضحت سابقا😊
وشوفي التعليق الوحيد في الموقع:
صحيح، أصلها مِعْضَد، وحوّرها الناس إلى مُضْعَد




يا حبيبتي قلتلك اللغة معنا

اعترفي الاعتراف بالحق تفيده اقصد فضيله

هي كلمة دارجة عندكم لكن ليس لها اصل لغوي
بل محرفة من كلمة عضد معضد

طيب خلاص .. سامحتج.

__________________


اللهم طِيبَ الأثر .. وحُسْنَ الرحيل.

مريوم


هذي هي الغوايش.



أخت المضاعد لَزَم.

__________________


اللهم طِيبَ الأثر .. وحُسْنَ الرحيل.

قصدج اعترف واقر بكلامج يا طموحه

اما ما قد سمعتي بغوايش في المسلسلات المصريه

غوايش.. بناجر.. معاضد.. مضاعد
كلها نفس المعنى حاجة تقربع باليد

لكن غوايش بالمصري
بناجر بالسعودي في بعض المناطق
معاضد ايضا سعوديه
مضاعد خليجيه

بس
وتوته توته