إنت عارفه إحساس الواحد لمن يكون طفشان وماله نفس يرد على أحد

أهو ده إحساس زوجك الآن.. ليس بلازم إنه ماسك زعل في نفسه
ولكن مافي شئ بيحركه خصوصاً وإنك إنت كمان داخله جو الرسميات معه وكلمه ورد غطاها... وطبعاً كل ماسوا حركه ماتعجبك وماكنتِ متوقعتها ترجعي لنفس الجو

وفي النهاية مين المتضرر.. بكل تأكيد إنت إللي منت متهنيه بيومك ونفسك إنه ترجع الأمور طبيعية بس كل واحد ماسك نفسه

أما هو على فكرة لو تبغيه يقعد سنة بكاملها على هذا الوضع ماعنده مشكلة خصوصاً إذا كان جو البيت كئيب

يا أختي
ترى نحن شايلين همك إنت ومو هاين علينا إنك متنكده لكِ كم يوم

خلاص فكيها وسيبيك هو قال وهو فعل وإيش أسوي

اليوم حطي في بالك إنه لازم ينتهي هذا الزعل
أستقبليه لمن يجي من العمل بإبتسامة وبوسيه
وطبعاً لا تنسي الكلمة الشهيرة عند النساء إذا ودها تصالح زوجها ( جهزي قهوتك )

تكلمي معه عادي وسولفي حتى لو مارد عليك.. تراه قاعد يسمعك.. ارسلي له واتس مقاطع وقولي له شوف إيش رأيك.. تزيني وأقتربي وأمسكي يده وقولي كلمتين حب

المهم
الله يخليك أنهي الموضوع اليوم
ترى نفسية الأعضاء تعبت ونبغى نفرح



بارك الله فيك