ايوه كدا انت حبيبتي 💞
تركت فراغ كبير لفوفة 💔

و بالنسبة لزوجك استشيروا محامي و لا تيأسوا الا ما يكون فيه مخرج ان شاء الله

__________________

اما قصة تعارفي مع زوجي حكاية طويلة عريضة
المهم عنا شي نادر شخص يقول لامه شوفولي عروس وهالشي مستهجن عنا
بس زوجي كونه مسافر وما بحقله ياخد اجازة الا مرة بالسنة ونوى يتزوج طلب من امه وخالتو وجدته انو يشوفوله عروس من الضيعة كون زوجي من سكان المدينة وبمنطقة بتكثر فيها المسيحيين فكان شرطه تكون محجبة ونحيفة ومش طويلة وبيضا وعيون ملونة
وانا كان صايرلي اربع اشهر منفصلة عن خطيبي السابق من بعد سنتين سوا

المهم في مرة كان في مناسبة دينية ورحت انا وعمتي وخالتي وشافتني جدته وسألت خالتي اذا انا انفصلت وخبرت والدة زوجي انو لقت طلبه بالزبط 😁😁😁😁

تاني يوم خالتي
بتخبرني انا انصدمت وقلت لخالتي انسي الموضوع وقوليلها انك ما خبرتيني
فتاني يوم امه وجدته وخالته بيجوا لعند اهلي وبيخبروا بابا انو هيك هيك القصة وانو ابني بدو يحكي مع بنتك وبعد ساعة بدو بتلفن
فانا انصدمت اكتر 😂😂😂😂
وامه قالته لزوجي بترمي المحبس من راسها بيمر بكل جسمها 😁😁😁

فعندها بابا قلهن البنت موجودة وبس بدو يحكي يحكي معها بس ما بنعطي كلمة ليجي يشوفها وتشوفو
انا بيني وبين نفسي قلت مجرد ما يحكي اكيد ما رح اعجبه كونه كل عمره عاش بمدينة وبعدين سافر على اوروبا وكان صايرلو شي 14 سنة مسافر
وانا بنت ضيعة فاكيد ما رح ادخل راسه ابدا
فاول ما اتصل وبلشت المكالمة امتدت لساعة ونص 😅😅😅😅

وصار كل يوم يحكي بالساعة والساعتين واخترب بيته للرجال من ورا المكالمات الدولية
وكان عند اهلي بعد ما في انترنت

فمن تالت مكالمة اقسملي انو كيف ما كان شكلي بدو ياني

فانا كنت متخوفة كونه طويل بطول خيي اللي اصغر مني
بس حسب الصور اللي شفتهن مبين اطول
وصار يسالني بتحبيني ويقلي ما بدك تختمي المكالمة بكلمة بحبك
وانا قلو كيف ومستحيل لتجي وتشوفني وشوفك وممكن تغير رايك
يقلي مستحيل وعلى اساس ينزل بعد اربع اشهر من تعارفنا نزل من بعد شهرين 😊😊😊😊

وبهالفترة حكيت معو من الجامعة نت صوت وصورة وشافني وداخ بس شافني قال هيدي هيي

المهم اول ما وصل علبنان وصل العصر وحكاني انو تاني يوم الصبح بيطلع عالضيعة وبيشوفني
بنفس النهار عالمغرب ماما بتخبرني انو شافت خالته وقالتها انو وصل من المطار وقرر يطلع عالضيعة ويجي يزورني وانا كنت عم ادرس لاختبارات الجامعة فاتوترت وصرت قول لماما مستحيل يجي اليوم وهتي خبرني تاني يوم جايي
وبلا ما تلعبي باعصابي وهيي تحلفلي وانا ما صدقها

فالساعة 10 بالليل بتجي سيارة قدام البيت بطل من الشباك وبسمع حدا بيقول منال وطيران على غرفة النوم وتوتر وخوف وحالتي بالويل
فدخلوا البيت واول شي قالو زوجي وين منال
انا من بعد ما لبست ضليت نص ساعة روح عالانتريه وارجع على غرفة النوم ووجي احمر متل البندورة واختي وماما يشدوا فيني

المهم اول ما فتت عالصالون سلمت عالكل وكان جايب معو والدته وخاله وابن خالته وخالته وبعد ناقص يجيب العيلة معو هههه وقعدت باخر الصالون

فبعد دقيقة بيطلب من ابن خالته انو يقوم من مكانه كرمال انا اجلس بلجهة المقابله ليشوفني كرمال ما يضل يفتل شمال 😁😁😁😁


فجلست وراسي بالارض ولون خدودي احمر وحسهن رح يطيروا من وجي 😂😂😂😂

وهيك كل يوم يجي يزورني ويجيب معو ورد 🌻🌺🌼🌷⚘💐🌹🌸

وبعد تالت يوم طلب من بابا كتب الكتاب بابا رفض
فرجع جاب جدي والد ماما وجدتي ليقنعوا بابا بكتب الكتاب وهيك لرجع وافق بابا وكتبنا الكتاب بعد اسبوعين
وعلى اساس يجلس شهر جلس تلات اشهر وكانت من اروع ايام حياتي
كان عندي اختبار بالجامعة بمدينة بتبعد ساعة عن ضيعتنا ينزل لهونيك فاخرج من دون ما اعمل الامتحان لنروح نضهر وهيك عملت 9 مواد واربع لا
وهيدي هيي كل حكايتي 😁😁😁😁😁😁

__________________





اللهم إني أستودعك ديني و نفسي وأهلي وزوجي
وأولادي وأحبتي فاحفظهم يا من لا تضيع ودائعه

غير تقليدي ولا مودرن هو وسط

ما شاء الله تبارك الرحمان قمة الرمنسية الله يدوم سعادتك بس سؤال لا تؤاخذيني هل مازلتي محافظة على قوامك

حبيبتي ويديم عليكي السعادة وعلى احبابك حافظت على وزني لمدة 11 سنة بعد الزواج وبعد انجاب تلات اطفال ضليت نفس الشي بين ال50 و55
لوقت اخدت ادوية للوسواس القهري لمدة سنة و8 اشهر نصحت عليهن كتير 24 كليو زيادة 😓😓😓 ورجعت ضعفت وحاليا وصلت 63 وهدفي اوصل لل60 او 59 حبيت حالي بهيدا الوزن

__________________





اللهم إني أستودعك ديني و نفسي وأهلي وزوجي
وأولادي وأحبتي فاحفظهم يا من لا تضيع ودائعه

اما قصتك يا ميمو قصة
جبتي الرجال على طوووله ههههه
الله يديم المحبة و السعادة بينكم
اهل الشام هم بطبيعتهم رومانسيين 💓
البلا عندنا. قحط و جفاف عاطفي

الله يشرح صدرك ويهدي بالك سالت لاني اموت في الرشاقة اعجبتني عبارة المحبس نقولها ايضا بطريقتنا بعد ان انقطعت عن النادي ثلاثة اشهر احس اني استرجعت الكيلوات التي فقدتها اعاني من زيادة غير كبيرة حوالي عشرة لكن الارادة صفر

ههههه ليه تفضحينا

لا وبدك تضحكي اكتر بيوم كتب الكتاب بتعرفي بتكون نص الضيعة جايي من اقربائي واقرباؤه واصدقائي ومعارف اهلي
وصاروا بنات خالتو وخالاته يقولوا بيزو بيزو بوش آه بوش
والكل متحمس بتقولي ما مصدقين ياخدوا لقطة


واتخيلي المنظر قدام الكل انا لو في قبعة الاخفاء تسحبني واختفي ما كنت قول لاء 😁😁😁😁😁

عائلته كتير عندهن هالشي ومكترين 😂😂😂😂😂

وهو كامشلي ايدي خايف اهرب ولو بتشوفي الصور كل ما شوفهن وجي معبق من الخجل ويا ويلي على هيديك الايام ههههه

__________________





اللهم إني أستودعك ديني و نفسي وأهلي وزوجي
وأولادي وأحبتي فاحفظهم يا من لا تضيع ودائعه

انا من عشاق المشي يعني بالنسبة الي المشي دوا
وبحب اكل السلطات كتير
والحمدلله ما في زوايد بالجسم او عيوب يعني بالرغم اني 63 كتير راضية وان شاءالله اوصل لل60 او 59 بيكون الوزن المثالي مع طولي

الرشاقة الزايدة ما حلوة هلئ بحس بالانوثة اكتر

كيف كاينة ابقى بال50 وكحد اقصى 55 ما بعرف
بس الحمدلله المهم الصحة والقناعة والانسان يحب نفسه كيف ما كان فالعالم بتشوفه بنفس الصورة اللي بشوف فيها حاله

__________________





اللهم إني أستودعك ديني و نفسي وأهلي وزوجي
وأولادي وأحبتي فاحفظهم يا من لا تضيع ودائعه