السلام عليكم اخوي ... انا وضعي مثلك بالضبط لسى طالب والزواج ماكل مخي وخيالي
قلت لاهلي ابي اتزوج قالو لين تتوظف وتطلع بيت وتاثثه وتجمع المهر + سياره جديده (هاذي من عندي ) مستحيل اتزوج بسياره عمرها 22 سنه (في وقت الزواج طبعا) قعدت احسبها شوي طلع قدامي 6 سنين (على الاقل) عشان اخلص دراسه واجمع هاذا كله ..
قلت طيب ليش ما اتوظف في اي وظيفه خفيفه مايكون فيها ضغط عشان اقدر اذاكر فيها واجمع راتبها كامل ( كاشير .. حارس امن .. مرشد في جرير او اكسترا وكثيييير مثلهم )..
.. حسبتها شوي لقيت ان لمى اتخرج بكون قد كسبت من هالوضيفه في 3 سنين ونص (الفتره الي باقيه لي في الجامعه) تقريبا 126 الف مع العلم ان راتبها 3 الاف ..
خلينا نقول اني بصرف كل شهر 1000 بيبقى 2000 يعني 84 الف مع نهايه الجامعه ..
تكفي عشان افتك من اكبر هم وهي الشقه واثاثها يبقى بس المهر و السياره ...
السياره تقسيط ..
بيبقى المهر بسسس
..سئلت بعض خوياي عن الفكره واكتشفت ان بعضهم موضفين ومو اي احد
( الدوافير الي معدلاتهم بالعالي )
توكلت على الله وكلمت اهلي وليتني ما كلمتهم ..
رفضو
(حنا بئيش مقصرين عليك والدراسه بتهملها والناس وش بيقولو ووووووو )) والحين قاعد احاول فيهم قبل الاجازه عسى يوافقو