السلام عليكم ورحمة الله وبركاته

من الصباح احاول ادخل المنتدى ومو راضي يفتح معاي..
حابه اوضح للجميع
اخوي فعلا تهور وتزوج ومثل ماقال احد الاخوه انو احنا طولنا عليه واحنا ندور له عروس مناسبه وفعلا هو كان يبغى يتزوج لهدف انو يعف نفسه يقولي بعمله يجونه البنات ويقولوا له هيا تعال معانا بنسوي بارتي يقول انا ضعيف نفس وماابغى اروح للحرام وعرض هذي البنت لأمي وامي رفضت جدا
مو عشان تزوج مطلقه غلط
عشان طريقة زواجه بالسر وبالخوف
هو بعد كلامي له ان طريقته بالزواج غلط وان الموضوع يجلس بالسر غلط
مهما حاولت اقنع اهلي مستحيل يرضون
وهو عنده استعداد يطلق بحال امي قالت له طلق وانا متأكده ميه بالميه ان اهلي راح يخلونه يطلقها ويزوجونه بسرعه
طيب ليه هذا الطريق كلو
خلاص يختصر هذا الشي ويطلق من الان بأقل الخساير النفسيه والمعنويه
البنت انا عيبي فيها ان تزوجته بالسر مهما كانت ظروفها زواج بهالطريقه احتمالية استمراره ضئيله جدا..
هو جاء عندي وقال انا ادركت حجم الغلط اللي سويته
قلت له انا ماراح اتكلم بموضوعك ابد ويهمني سعادتك ومالي اي هدف من طلاقك او زواجك الا سعادتك
بس وضحت له ايش ممكن يصير لو انكشف موضوعه وان زواجه مستحيل يتخبى مهما طال الزمن او قصر ومهما حاول يخبيه وان البنت احتمال تحمل وان يخاف الله فيها اذا بيتمتع معها وهدفه لمده معينه ويطلق
قلت له بعطيك فرصه شهرين
ولاراح افتح فمي ولا راح اتدخل بحياتك ولا راح اكلمك بالموضوع
بس بعد الشهرين مظطره اعلم احد من اخواني ..
قالي اعطيني فرصه وانا بحاول اتصرف ..
اللي فهمته من دون مايوضح
ان راحت السكره وبدأ يفكر ..

__________________
(سيدة الموقف)
لم ننساك ونسأل الله ان تكوني أنتي وأولادك بخير

لاحول ولاقوة الا بالله
يابنت الحلال لاتستبقين الأحداث لاتقولين أعرف أمي وأبوي
إن جاء وقت الجد ماتدرين عن ردة فعلهم
وأخوك مبين ظروفة المادية ماتسمح يتزوج زواج كامل وبنفس الوقت يبي يعف نفسه وبسرعة
واللي أخذها مطلقة وأم يمكن ماشرطت عليه شي متنازلة عن المبيت ويمكن عن المصروف
البنت لها ظروفها ولا تقولين المفروض ماتقبل ماتضمنين تكونين بمكانها يوم
ولاتحرضينه على طلاقها و إمنعي أهلك إن طلبوا هالشي
البنت ماتعرفونها إذا خبّر أهلك تعرفوا عليها وموب لازم جماعتكم يدرون إن طلعت طيبة وأخلاق خلاص خلوهم بحالهم وخلوا الوضع يستمر زي ماهو
إذا البنت لاقدر الله طلعت سمعتها سيئة أو عرفتوا عنها شي يضر أخوكم وقتها لكل حادث حديث
أخوك "رجال" ويتحمّل نتايج قراراته
خلوه يتحمل مسؤولية نفسه وحياته لمتى كل شي تسوونه نيابة عنه!
تعطونه مصروف وتسددون أقساط سيارته ومعطينة شقة وتقولون باقي صغير وهو أبو 25 !!

تسمح ظروفه
وبالعاده الوالد الله يطول بعمره يساعد اخواني من تكاليف زواج الى تأثيث شقه
يعني هالشي مو عذر..
انا ام لأثنين وع ابواب طلاق يعني نفس الحال واتعرض لضغوط وودي اعف نفسي وشايله هم ومصبره نفسي بس ممكن نختلف بالظروف الماديه ..يعني حاسه بوضعها انا مااعايب فيها
اقصد زواج السر بالله اي وحده تعرف وش نهايته
ليه الرجل يتزوج بالسر زواج السر انا اسميه زواج الجبناء
واخوي منهم وحتى لو يبغى يعف نفسه كان يرضى بأي وحده مافي اي مبرر له ع غلطته
ايوا انا اعرف الناس بأهلي وبأمي وابوي ومجتمعي..
والله لو كنت اعرف ان هالموضوع بيمر عادي وممكن احد يتقبله كان سكت ونمت وكبرت مخدتي
ولاني شايفه اخوي كيف ضايع وبنفسه قال انا غلطت ومعترف اني مسوي مصيبه
اهلي مايجازيهم بإستغفال ولا بخيانه وكذب ماقصروا معاه
لو واعوذ بالله من كلمة لو قبل مايتزوج بالسر وضح لنا صمم عليها كان ممكن يرضخون اهلي
ويزوجونه ارجع واقول احنا مو معقدين...
لو طلع زواجهم واهلي قالوا له طلقها ماراح اتكلم ابدا
لان وقتها كلمتي مو مسموعه وممكن اتهم ويقولوا لي عشانك مطلقه تدافعين عنها وممكن اتهم بالانانيه وممكن وقتها مااتكلم لاني اكون والعياذ بالله مشغوله بمصيبه ثانيه
ابوي ع طيبته بس انسان مريض بالسكر وكبير اخاف اذا سمع الخبر يروح فيها مو عشان تزوج مطلقه عشان زواجه السري اللي ماله اي مبرر فيه وعشان استغفاله لاهلي وخيانته لهم وطعنه لهم ..

__________________
(سيدة الموقف)
لم ننساك ونسأل الله ان تكوني أنتي وأولادك بخير