معك حق اخوي الموضوع فعلاً يضايق واللي يقول انك مكبر الموضوع لو شاف زوجته عيونها طايره على كل رجال بالشارع ماراح يقول الموضوع عادي وحتى لو كانت على نياتها مع اني استبعد ان فيه امراءه على نياتها هاليومين ولكن لو فرضنا هذا فـ راح يعطي انطباع للرجال اللي تناظرهم انها معجبه فيهم
وفيه حريم هنا طرحوا مواضيع يشتكون من رجالهم انهم عيونهم على الحريم وحتى لو كانت المراءه اللي يناظرها زوجها بالتلفزيون مو جنبه
والله عزوجل يقول ( وقل للمؤمنات يغضضن من أبصارهن )
وانتم تقولون عادي
فـ ياليت يااخوان واخوات اننا مانسفه مشكلة اي عضو لانه لو انه مو متضايق ماجا وحط موضوع هنا ويطلب حلول

اما عن الطريقه اخوي اعتقد ان زوجتك يبي لها شوي حزم وتحس ان الموضوع مو عادي حتى لو عن طريق عقابها بعدم اخراجها مع توضيح لها السبب الا بعد ان تتعدل وتترك هالصفه السيئه