والله مالي رغبه استرجع اللي صار
لكن باختصار
طبخت الغداء وجهزت السفره
وهو جاء من الدوام وجلس ياكل
وانا كنت متضايقه ووجهي معفوس
قبل لايدخل تخانقت مع اخوي بالجوال
سألني: ايش فيك؟ قلت: سلامتك ولا شي
قال كيف ولاشي وكل هالتكشير بوجهك
اخذت الصحن اغرف له الاكل ومارديت عليه
اخذ الصحن من بيدي ورماه وكسره وانتثر الاكل
وجلس يصرخ ويقول: الف مره قايل لك اذا سألتك لاتطنشي

هو كان واعدني مايكسر ابدا ولا يرمي الاكل
وله سنتين تارك هالحركه
ولمارجع لها انا انفعلت وصرخت عليه
وسبيته وقلت له انه مريض وماهو رجال قد كلمته
ولعنت الساعه اللي تزوجته فيها الخ

طيب هو كان واعدك إنه مايكسر ولا يرمي الاكل .. لكن هو سبق وطلب منك إنك ماتطنشيه في الكلام ويمكن وعدتيه .. تدري وش معنى إنك تطنشي كلامه من وجهة نظره>>يعني إنك ماتحترميه ..خآصة إنه توه جاي من برا من دوامه ومن قرف الزحمة ومن الجو الحار .. أكيد بيكون تعبان ومعصب وأنتي زدتيها عليه .. انا ماأبرر تصرفه بس بصراحة ماينلام لحاله .. وهو جزاه الله خير حاب يتطمن عليك .. المفترض حبيبتي تستقبلي زوجك بابتسامة وتاجلي أي شيء إذا صحي من النوم وريح بعد الدوام ..

__________________
اللهم أسألك أن تحقق لي ماأتمناه عاجلا غير آجل .. وأن تحقق لأختي "المنسية" راحة وسكينة وعافية ..

بصراحه كلامك له قوي
تقولين له مانت رجال عشان صحن انكسر وتبينه يرضى على طول !
اختي معليش بس واضح ان الاحترام بينكم صفر

اما عن العلاقه الرجال اذا مارس العلاقه مو معناته انه رضى وهذا مفهوم خاطىء عند كثير من الزوجات العلاقه عند الرجل تختلف معناها ومفهومها عند النساء

على العموم انتي خلاص اعتذرتي وخلاص لاتكرري الاعتذار واتركيه حتى يهدىء وبعدين حاولي تلاطفينه بدون اعتذار