السلام عليكم ورحمة الله وبركاته
انا اختي ولدت من اسبوع وحصلها تمزق ومش بتعرف تمشي خالص يا بتزحف علي الارض او تسند علي حد او اي حاجه ومش عارفة تفرد ظهرها واثناء الولادة الدكتوره ضغطت علي بطنها بجسمها كلها عشان الجنين ينزل وكانت بتتالم اوووي وراحت امس لاعادة الكشف كشفوا عليها ثلاث دكاترة كل دكتورة تقول مش عندي ومش عارفين من ايه وقالو الجرح كويس وهي حاسة ان حاجة في جمبها اللايمن مكسورة ومش عارفة تفرد ظهرها نهائي وكانت المسكنات مش بتعمل معاها حاجة وامس كتبولها مسكنات منها الفولتارين بناء علي طلبها خدتها عرفت تمشي شوية بس الجرح مش اتسكن وفي المستشفي قالولها تروح لدكتورة عظام وجراحة عامة ومعالجة فيزيائية والمشكلة انها مش تعرف لدكتورة حاليا لانها في بلد الكشف فيها لازم ورق وهي ورقها ضايع ولسة بتطلع بداله ده من ايه وحصلها ايه وياتري ممكن يكون عظمها اتكسر ولا ايه اللي حصل ياريت اي طبيبة ترد عليا او اي حد يعرف جزاكم الله خيرا

وكمان هي في بلد مش عربي وطلبت من الدكتورة تكتبلها حقن فولتارين لتسكين الالم والدكتورة وافقت بس هي حاسة ان من وقتها بنتها مش بترضع كويس دقيقتين والبنت تنام ده بسبب الحقن

و عليكم السلام و رحمة الله و بركاته

1- هل اختك بعيدة عنكم .. من الذي يعتني بها ؟

2- الضغط على البطن أثناء الولادة فيه مساعدة للأم على خروج الجنين
و بعض النساء هي التي تطلب من الممرضة او الطبيبة أن تضغط على بطنها .

3- هل تشعر بكسر في أعلى الرجل أم في جنب البطن ؟

كان الله في عونها و يسر أمورها و شفاها و عافاها .

__________________
أستودعكم الله الذي لا تضيع ودائعه .. و احفظوا عني :
إن لم تكن إنسان إرادة تلتزم بفعل ما تريد فكن إنسان شغف و أحب ما تريد الالتزام به و ستنجح بإذن الله .

هي فعلا بعيدة عننا ومش معاها غير زوجها وهو بصراحة شايلها فوق راسه بيعملهاكل الاكل وبيهتم بالنونة ويغيرلها وبيهتم بيها واحن عليها من اي حد حتي قبل ما تولد وهو كده معاها ربنا يكرمه ويجازيه كل خير ونعم الرجل
هي حاسة بكسر في المنطقة الخلفية المؤخرة معذرة الناحية اليمين
جزاكي الله كل خير اختي هند

وكمان هي بعد ما ولدت خست اكتر من النص بكتير وبتقول بنتها وهي بتتنفس بتشوف قفصها الصدري كانها شايفة اعضائها كلها وعليها جلد بس ده عادي ولا لا جزاكي الله كل خير اختي هند

كان الله في عونها و جزى زوجها خير الجزاء

بالنسبة للألم اذا كان في المفصل العلوي للفخذ
او الجهة اليمينى للحوض فغالبا انه بسبب فتح الارجل اثناء الولادة
لفترة طويلة خاصة ان بعض الكراسي في غرفة الولادة
يتم فيها ربط رجلين الوالدة فغالبا الالم لهذا السبب
اما الكسر في هذه المنطقة يكاد يكون مستبعد لأن عظام
الحوض من اصلب العظام في الجسم .

عموما لابد تهتم بتدفئة جسمها جيدا و عدم التعرض لتيارات الهواء
لابد تلبس بطلون قطني تحت ملابسها
و ممكن تدهن جسمها بزيت زيتون دافيء مع التدليك الخفيف
لكن تنتبه ان لا يصل الزيت لمنطقة الخياطة و الغرز

و تذهب لطبيب العظام لزيادة الاطمئنان .

شفاها الله و عافاها .

__________________
أستودعكم الله الذي لا تضيع ودائعه .. و احفظوا عني :
إن لم تكن إنسان إرادة تلتزم بفعل ما تريد فكن إنسان شغف و أحب ما تريد الالتزام به و ستنجح بإذن الله .

السلام عليكم. .
حبيت اضيف لك اختي انه من وصفك للمنطقه هذا العصص ونفس الشيء حصل معي والسبب كان كبر حجم رأس الجنين.. عمل على ارجاع العصص الى الخلف لدرجه ما اقدر اجلس طبيعي مدة سنتين .. و على المسكنات .. هو فيه له علاج طبيعي لين يرجع مكانه وايضا حقن مسكنه للآلم ..
طبعاً خليها تسوي اشعه وراح يبان اذا العصص راجع للخلف ..
الله يشافيها ويعافيها يارب العالمين. .