مستحيل تقعد طول ها المده في بيت اهلها من موقف واحد .. والموقف اللي ذكرته غير مبرر لجلوسها طول هالفتره ... ربما هناك مواضيع سابقه وتكررت كثير ولم تحل ..
تاكد اخوي ان الزواج من ثانيه مو الحل لمشكلتك .. نحن ماخذين موضوع الزواج من الثانيه تاديت للاولى .. طيب ممكن بعد ما تتزوج ينصلح حال زوجتك وتبي ترجع لك واكيد انك بترجعها اذا مو عشانك ف عشان عيالك ..
وانت ذكرت في موضوعك ان امورك الماليه مش ولا بد .. يعني ما تتحمل باي حال من الاحوال انك تصرف علي بيتين .. وحتى لو وقع طلاق الاولى فلا تنسى موضوع النفقه والمسكن وغيرها وغيرها ..
فكر بمنطقيه وعقلانيه .. وابتعد عن فكرة الزواج من ثانيه حاليا لانه مو الحل .. بل قد يكون مشكله ع مشكلتك الاولى ..
استمر في حالة طلب الصلح .. وحاول كلامك يكون مع ابوها او اخوها الكبير لان نحن الرجال فاهمين بعضنا البعض اكثر من الحريم .. يعني ابتعد عن امها وعنها وخل موضوعك مع الرجال من كبار العايله .. وان شاء الله تنصلح الامور ولا تتشتت عايله بعد زواج استمر 17 سنه ..