حياك الله أخوي وليد والله اني متعاطف معاك وأعدك واحد من اخواني وبقول رأيي الي مقتنع فيه والله يختار لك مافيه الخير

حبيبي الي فهمته من موضوعك بعد ماقريته اكثر من مرة والعلم عند الله ان خطيبتك او نقول زوجتك مسكينة وعلی نياتها لكن علمها ماهو من راسها وفكل صغيرة وكبيرة ترجع لأمها

لحد هنا نقدر نقول ان البنت ماعليها كلام ان شالله بس الخوف كل الخوف ان حتی بعد الزواج تظل أمها تعبي فراسها وصدقني هذا شي كفيل بانهاء حياتكم الزوجية للابد

لانه ماتقدر تمنعها تتواصل مع امها وشكل امها من النوع الاستغلالي بدليل كلامها انه انت ماهو مثل زوج اختها الي يجيب ويجيب ومن ذا الكلام
فشكله والله تعالی اعلم ان اهلها وخصوصا امها اصحاب مظاهر ويهمهم هذا الشي بشكل كبير فصدقني حتتعب معاهم

فترة الملكة والخطبة هي فترة تعارف بحيث يستكشف الانسان شريك حياته الذي سيعيش معه العمر كله يا يرتاحون لبعض ويكملون زواجهم يا تحصل امور ورى امور وينفصلون عن بعض ويغني الله كل من سعته

نصيحتي لك هي الاستخارة والالحاح علی الله كثيرا في هذا الدعاء ( اللهم ان كنت تعلم ان ارتباطي بهذه الانسانة ( وتسميها ) هو خير لي في ديني ودنياي وعاقبة امري فيسره لي يارب العالمين وان كنت تعلم ان ان ارتباطي بها شر لي في ديني ودنياي وعاقبة امري فاصرفه عني واصرفني عنه )

وبعدها قرر والله يختارلك الخير اخوي

__________________
تَلَوْا باطِلاً، وجلَوْا صارِماً، وقالوا: صدَقنا! فقلتم: نعَم!