بصراحه خالته فيها دين لدرجة اوقات اشك بنفسي بس م اشك فيها
لكن وحده كلمتني قبل يوم منهم وقالت اكاد احطها بذمتي ان خالاته الثنتين لهم يد بطلاقك
وان خالته بالمجلس تحكي ان راح تسمعون بخبر طلاق وحده وتضحك بطريقه مستفزه جدا جدا
مابيني وبينهم شي ابدا من تزوجت خالته الصغيره هذي ماشفتها الا ثلاث مرات فقط
وخالته اللي بنفس منطقتنا علاقتي فيها حلوه احترمها واقدرها واعزمه بس ترد العزيمه تعزمه وتسحب علي😅
ةوتقط كلام بس فسرته ان اسلوبها جفششش
بس الان يقال انها تسعى تزوجه لبنت اختها .. مايهمني ابدا ابدا ابدا
بس السوال اللي عجزت احصل له اجابه ليش التخطيط والتنفيذ من وراء ظهري !؟
مثلا كان يتفقون علي انهم مايعزموني ليش طيب الله اعلم !!!
سألت قريبتهم هذي قالت اي احد مميز يحقذون عليه !!!!

حبيبتي
ماهو حق زواج ولا مسئوليه
على قوله شوك تربيه حريم
لا سبب يطلق ولا سبب يستاهل يفضح
اذا حريم خانت ازواجها رجالهم سترو عليهم
وهذا ما يستحي رايح يقول سوالف الحريم للرجال
انا زيك تطلقت لاسباب تافهه
وطليقي بعد تكلم فيني
الله بيغنيك من فضله
لاتفكري فيه كثير وابدي حياه جديذه

اميييين يارب العالمييين
انا من زمان طلعت من العده الحمدلله اللذي جعل لنا من كل ضيق مخرجا
ممكن اتمنى ارجعله لاني فقط مابي اتزوج معدد ولا كبير بالعمر ولاغيره
ولا فيني ابداء حياته جديده واتكيف ع طبع رجل جديد وممكن اعاني من صفات احاول اغيرهم
افكار براسي تروح وتجي الله يرزقني بالصالح اللي يخاف الله فيني

شوفي يا تباشير

وواضح إنك كنت صفحة بيضا ودخلتي على حريم
لو وحدة غيرك ما تخليه يعتب لخالته إلا ورجلها على رجله!
المهم : ترى ما عليه حسوفة، حتى لو لك نسبة خطأ في الموضوع.

يعني تشوفين ضيقتي من روحته لخالته بمحلها ؟!

كان يزورها الصباح والظهر والعصر وعقب المغرب اوقات تجينا هي وهكذا !

لا حول ولاقوة الا بالله الله يسامحه المفروض الحلول ماتكون بالطلاق ابداً ...! نعم المشكله عنده مو عندك اختي الله يعينك ويصبرك هذا ابتلاء كاتبه الله من سابع سماء عليك الالتجاء الى الله
والتضرع ، وعسى ان تكرهوا شيئاً ويجعل الله فيه خيراً كثيرا ، ان مع العسر يسرا ان مع العسر يسرا ، ولن يغلب عسرا يسران ، وهذا شي مكتوب من الله لا بحول منك ولامن طليقك اصبري وابشري بالخير .

اللهم امين جزاك الله خير

بسس ايش اسوي معه وحكيه عني !؟

وكليه لرب العالمين
وقولي حسبنا الله ونعم الوكيل

اهلا اختي
الله يفرج همك وهمي وهم كل مسلمه ومسلم

تصرفك صح عدم نقل الاحاديث والتفتين بين هذا وذاك

الحل
اكثيري من الاستغفار والدعاء
اجعلي همك الله وحده وليس البشر
انسي طليقك ومايفعله لك وكانك لم تتزوجي اصلاً
انسي كلمة هل استاهل الطلاق او لا
لانك حتما ماتستاهلين بس ومع ذالك انسي وتناسي

اذا كانو اهل طليقك من الاقارب ليكن تعاملك رسمي معهم مهما كان
وكلي امرك الى الله واحسن الظن بالله
لعل في طلاقك خيره لك لربما ربي يعوضك افضل منه

نصيحتي لك حنا الان بأيام فاضله لاتتعوض اشتغلي بقراءة القرآن والدعاء قبل الافطار وحافظي على صلاة التراويح بأقرب مسجد عندكم بالحي ، وكلي امرك الى الله ، وعليك بهاذين الدعائين كرريهم (افوض امري الى الله ان الله بصير بالعباد) (وحسبي الله ونعم الوكيل) كرريها مئة
مره ربي بيرد كيدهم عنك بإذن الله ، الاهم تفرغي للعباده برمضان واتركي التفكير والقلق ماراح تستفيدي شي بل سيتعبك اكثر واكثر اقطع الافكار السلبيه من راسك ، سجادتك ومصحفك واقرئ القرآن وسترين الفرج