يا حياتي يا حظي حلو
تسلميلي على كلامك الحلو متلك هيدا من ذوقك يا عسل 😙😙
تكرم عيونك حبيبتي لا زودتيها ولا شي خدي راحتك
انا لاحظت شغلة بس ثلج العجينة او حطها بالبراد قبل بيوم بتطلع اطيب بكتير من اني اعملها من بعد عجنها بكم ساعة
المهم العجينة
بستعمل كيلو طحين
ظرف خميرة ما يعادل ملعقة طعام كبيرة او ملعقة ونصف او مكعب خميرة طازجة وهيدا اللي بستعمله

ملعقة طعام سكر
ملعقة صغيرة ملح
ربع كوب زيت زيتون
وماي حسب الحاجة
بالنسبة للصوص ببرش بندورة او بطحنها بخليها عالنار تعقد بضبديف ملح وشوي سكر وزيت زيتون واوريغانو وريحان وزعتر وثوم بودرة وهيدا السر بطعمة الصوص الغير شكل
وانت ذوقيها وشوفي اذا بتزيدي عليها او لا لانو انا ما بستعمل مقادير للصوص

وبرق العجينة كتير رقيقة وبدهن الصوص عالوج وعندي فرنية بخليها تستوي من تحت وبرجع بحط الجبنة وبدخلها بالفرنية بتدوب الجبنة وبتستوي من فوق
وفيكي تستعملي فرن الكهربا وتحطيها على ورق الزبدة
بس الفرنية لقيتها افضل شي
وطبعا عالوجه متل ما بتحبي تضيفي زيتون قريدس خضرة تونة مع بصل ارضي شوكي اي شي بتحبيه
كنت من زمان حط بالحشوة فليفلة وفطر وذرة
بس هلئ بس بستعمل الصوص متل ما هيي
واهلا وسهلا فيكي حبيبتي
رمضان كريم

__________________





اللهم إني أستودعك ديني و نفسي وأهلي وزوجي
وأولادي وأحبتي فاحفظهم يا من لا تضيع ودائعه