من حقه يطلع يستانس ويرفه عن نفسه وين المشكلة في الموضوع
يعني حاسدته على هالاربع ايام ليه يسافر ويتركك عند اهلك
ثقي ثقة تامه لو انك تفهمينه وماعندك مشاكل معه فراح يكنسل سفرة اصحابه وياخذك معاه بدلا منهم
شكلك من النوع النكدي

رايك قهرني.. يعني هو مسافر نكاية فيني
لو يحبني ابدا ماعملها
انا اقول هالكلام مع نفسي بعدين اتعوذ من ابليس

بعدين زوجي طول السنه يطلع يستانس
يوميا يشوف اصحابه ويرفه عن نفسه
بينما هو كاتم انفاسي
واخرتها استغل اجازه العيد وسافر وخلاني

انا مو نكديه
بس بشر.. مو جماد

صدقيني الرجل الي زوجته مريحته على الاخر يحاول انه مايفارقها ويسحب على كل اصحابه علشان زوجته
انا اطلعت على بعض مشاكلك السابقة
واضح ان كل واحد فيكم يجامل الثاني بس علشان تمشي الحياه

مع احترامي لك
كلام فاضي وكذب لما يقولو اذا ريحتي زوجك مابيقارقك ويترك اصحابة

<< ياما ياما سكتنا على امور اقوى من سفر
وياما و ياما ريحنهم وسمحنا لهم يسافرو + ويسهرو + وينبسطو
والنتيجه = تمادى الرجال
والحل هو الانفصال دامة مو قد مسؤلية بيت وزوجه

__________________

اسمحلي اختي كنافة نكدية ونص

طليقي الأولي عقب وفاة بنتنا راح تايلند ومن حسابي وبدون لا ادري وانا مخليني بروحي عقب هالموقف الصعب جدا

ولما وصل استقبلته بكل وناسة ورحابة صدر


انتي تبين تحكرينه فيج وتبين تكون دائرته ضيجة فيكم وهالشي ما يناسب تكوين الرجل


لو انا منج اكسر عينه

هو درى انج زعلانه وعنده تأنيب ضمير واذا استقبلتيه بكل حب مراح يعيدها لانه عارف ان هالشي يضايقج ومع هذا انتي مستانسة لوناسته

اذا رجع استقبليه بمفاجأة او شي يسر خاطره مع أكله حلوة هو يحبها

صدقيني زوجج فيه الخير بس رجل وبطبيعة الرجال اناني يعني هو مو خارج قانون الذكورة


وبعدين عياله اهما عيالج طلعوا من بطنج مو من بطنه وما فيها شي لو اخوانج ودوا عيالج المستشفى وهو مسافر

إبو بنتي مخليني اعابل في بنته وهو مثل ....... قاعد عند امه لو مسافر اهون

خلج احسن منه واستقبليه بكل حب وفرح

__________________
لا اله الا انت سبحانك اني كنت من الظالمين