صحيح انك تسرعت .. بس يا اخوان انتوا متصورين كيف وضع الرجال ..
منزوج وطاير من الفرحه ومخطط للمستقبل ودفع اللي دفعه وبلحظه تبدد كل شي امام عيونه
بصراحه ما الومك على اللي سويته ولو انك تسرعت بس الحاله اللي انت فيها تبرر لك فعلتك ..
وترا يا جماعه الرجال كلم ابوها ما كلم احد غريب .. يعني هل ابوها راح ينشر هالخبر .. هو حتى يمكن ما يقول لأمها ..
البنت تتحمل كل العواقب الوخيمه اللي راح تصير ..
كان على اقل قليل تعرض عن موضوع الزواج وتتحجج بأي حجه ..

أخوي ما انصحك باللجوء للمحاكم .. لانه الموضوع متشعب .. فيه طلاق وطعن بالاعراض واسترداد حقوق وطب شرعي ومحاميين .. وراح ياخذ الموضوع شهور طويله الى ان يحل .. اضف الى ذلك اذا البنت خافت وما اعترفت .. ماعرف كيف بيتم الاثبات بس الطب الشرعي راح يثبت صحة كلامك ..

لذلك حاول انك تحل الموضوع ودي بينك وبين ابوها .. يا جماعه رجعوا لي كل ما دفعته لاني ابي اتزوج .. صرفتوا اللي عطيتكم ما يخالف دبروا حالكم وعطهم مهله شهر شهرين ثلاث على حسب مقدرتك ومقدرتهم ..

وان شاء الله ما راح يصير الا اللي الله كاتبه ...

بس حتى لو الطب الشرعي اثبت انها غير بكر
لو خافت وقالت هو اللي دخل بي ايش الحل ساعتها؟!
وهذا الاحتمال وارد
بينما لو انه امسكها وقالها جيبي حقي والا بعلم اهلك
كان دبرت نفسها لو بالاتفاق مع امها فقط

__________________
( اللَّهُمَّ آتِ نَفْسِي تَقْوَاهَا، وَزَكِّهَا أَنْتَ خَيْرُ مَنْ زَكَّاهَا، أَنْتَ وَلِيُّهَا وَمَوْلَاهَا )

كل الاحتمالات وارده .. بس في كل الحالات اهلها راح يدرون بالموضوع ..
لذلك انا قلت له حاول تبتعد عن المحاكم ما استطعت ..

بالضبط وهو مارجعها اليوم الثاني عشان يقدر يثبت إن الجرح قديم
ماأدري كم جلست عنده والبنت ماتنلام لو أنكرت أنا لو مكانها بسوي زيها
أبوها ماندري هو إنسان حليم متفهم ولا عصبي وممكن يذوقها الويل
والناس ماراح تسأل ليه رجعت لأهلها؟ أخوانها وأمها وأخواتها ماراح يضغطون ع أبوهم عشان يعرفون والأب أكيد من تعامله مع بنته بيبين إن الموضوع كبير
كان بإمكان صاحب الموضوع يقولها عطيني فلوسي وبستر عليك
وهي بدورها تكلم أحد ثقة خاله أو أخت أو عمه وتشرح لهم الموضوع ويساعدونها
والله لو كنت أملك القدرة إني لأعطية فلوسه وأقوله أتركها بستر الله
أكثر شي مزعلني إنه يقول بيعلم أهله
خلاص بعد وش بقى إذا علمهم يكملها مره وحده ويعلم الجيران ويتصل على أقاربه كلهم
يعني أهله لو عرفوا بيسكتون؟؟ ماراح يحكون بالبنت؟
المشكلة الأخ ماتدرج بالموضوع وحاول يلقى حلول
على طول جمّع الأدلة و وداها بيت أهلها وقال بنتكم فيها وفيها
طيب أصبر ياخي لاحول ولاقوة إلا بالله

__________________

وبدأت تحدي إنقاص الوزن الهدف إن شاء الله 55 كيلو

ترى الطب اختي يقدر يحدد هل هو جديد او قديم
والاخ اخذ تقرير من طبيبه تفيد انها غير بكر من فتره طويله

اما قولك اختي انها تدبر نفسها كيف
المهر اكيد انه انصرف على تجهيزات الزواج

معلومه جديده
الله يستر عليها ويغفر لها
ولا يبلانا بما بلاها ويقبضنا وهو راضي عنا

اخي صاحب الموضوع
هل ستتركها 3 شهور عندك ام عند اهلها
اذا عندك مفهومه
لكن اذا عند اهلها كذا بيشك باقي اهلها
ويمكن ابوها ما يبغى احد يعرف غيره هو

والاهم هل تعرف عنه انه رجل عند كلمته
ام ممكن يغدر بك باي شكل كان؟؟

نسال الله السلامة والعافيه من هذي المصايب
ولا يبلانا بما بلاهم

__________________
( اللَّهُمَّ آتِ نَفْسِي تَقْوَاهَا، وَزَكِّهَا أَنْتَ خَيْرُ مَنْ زَكَّاهَا، أَنْتَ وَلِيُّهَا وَمَوْلَاهَا )