اللي قالوا لك 22 سنة يمزحون صح؟
تكفى قول إنهم يمزحون
ياأخي الرجل الأربعيني كلها كم سنة ويصير خمسيني
قدرته الجنسية تقل والبنت بعز شبابها تبي تعف نفسها
وغير كذا ممكن يكون مصاب بأمراض ضغط وسكر وغيره والزوجة تصير ممرضة
هي تبي تطلع وتروح وتجي وتعيش حياتها والرجال خلاص أخذ كفايته من الحياة يبي يقعد بالبيت
خل هذا كله على جنب ، التفكير لابد يكون فرق كبير بين عقلياتكم
أنا ماأدري ليه الرجال يحسبون إنهم مرغوبين دائماً مهما كان سنهم ومهما كانت حالتهم الإجتماعية
ليش ذا الإعتقاد؟ والمصيبة لما يجي أحد يلعب عليهم ويقولهم إنت بتكون مرغوب من الصغار والأبكار وهالكلام غلط
أنا حرمة وأعرف الحريم اللي ترضى إحتمال كبير مجبوره تبي تهرب من ظروف أهلها أو لأي سبب آخر والبعض توافق قناعة لكن بعد مرور كم سنة تندم
حالياً وحدة تقرب لي بنهاية العشرين تزوجت واحد كل صفاته حلوه لكن بالأربعينات والحين البنت مبين عليها مو سعيدة كانت تتمنى واحد أصغر أقرب لعمرها تفكيرهم واحد وإهتماماتهم وحدة حاسه هي كأنه أبوها
طبعاً ماأقولك كل البنات زي بعض في منهم اللي ممكن تقبل وعن قناعة أنا من البنات اللي أفضل الرجل بسن الثلاثين والأربعين وطليقي كان بنهاية الأربعين وأنا كنت بنهاية العشرين
الرجل الأربعيني يفضل يرتبط بوحدة بالثلاثينات أو الأربعينات ماأعتقد قدرته الجسديه بشكل عام زي ابو عشرين سنة بكره تقارن البنت الصغيرة بينك وبين اللي أصغر منك وتندم ولا تشوف أزواج صديقاتها اللي بعمرها صغار وتندب حظها
وإن كان ع الإنجاب مو مهم الكثرة المهم البركة بالعيال
كل صديقاتي اللي أحد والديهم متوفي دائماً الأب هو اللي متوفي ماأعرف وحدة أمها متوفيه والسبب فرق العمر الشاسع بين الأم والأب يموت وهي باقي تعتبر صغيره
عياله يكبرون كأنه جدهم مو أبوهم
لاتفكر بالسنتين والثلاث اللي جايه فكر بالعشر سنين وفوق كيف بيكون وضعك و وضع زوجتك إذا كانت صغيرة

__________________

وبدأت تحدي إنقاص الوزن الهدف إن شاء الله 55 كيلو