وش دخل الوظيفه
يعني الوظيفه بتخليه يعدل
او يتغير شي بحياتي!!!

ماتغيره لا

لكن ايه بتغير جزء من حياتك اذا مو تغير حياتك كليا

تخليك انتي تعدلين وماتظلمين نفسك

تخليك تنشغلين شوي

بدال مايصير الاهتمام كله على تفاصيله

يصير اهتمامك مقسم على اثنين.. وكل ما انشغلتي احلوت حياتك

الوظيفة تعطي قوة نفسية بالذات للي بحالتك

مافهموك الاعضاء يا ابتسامة ولا في عصا سحرية بتغير شي واذا احد اقترح اي امر تعصبين وتنفعلين مادري ليش مع انهم حاطين من جهدهم ووقتهم

ماتبين تقولين لاهلك

ولا تبين تتطلقين

ولا تبين تنشغلين

ولاتبين يصير عندك عالم ثاني

وضعك يحتاج لاستقلالية وصلابة اصلا اذا هو حياته الاساسية وشغله وارتباطاته بمدينة ثانية

ترا كلنا نكتب وندري انك بترجعين تكتبين نفس الشكوى لكن لازلنا نحاول فيك بالرغم من كل شي

لاتستنين وضعك يتغير اذا مافي ولا شي فيك تغير

زوجك غلطان نعم.. لكن تجاوزي هالموضوع

انتي مرة مسكرة على نفسك والله

كلمة من قلب صادق

محد حول احد بهالزمن ياحلوة وكلن ورا مصلحته ومشغول بنفسه

اللي مايسند نفسه عاااااالة

والضعيف عااااالة

مافي عزوة ولا سند لك الا انتي

شيلي نفسك.. محد بيضرب لك حساب الا اذا تقويتي على اساس

تذكري هالكلمتين بس

وحكي زين صح اقريه كويس

__________________

اختلافي عنك لا يعني اختلافي معك

قبل لا اتزوج كنت اشتغل..
الشغلة مو جايبه همها.. و يبيلي عالأقل 5 سنوات عشان اكون لي اسم واكسب ثقة الناس...
كنت من شغلي اكسب : 400 دينار / يعادل تقريباً 4000 ريال
ومبلغ الغلاء المعيشي : 100 دينار
و مبلغ يمشي للمطلقات : 70 دينار

يعني يدخل علي حوالي 570 دينار .. تمام ؟
طبعا 400 دينار مقابل شغلنا كانت ولاااا شيء ..
من مبنى لمبنى و من محكمة لمحكمة ومن وزارة لوزارة
من 7 الصبح لين 12 الظهر شغل خارجي
في الصيف في عز الحر والرطوبة نمشي
و من 12 ل 2 شغل مكتبي .. وممكن نحمل بعض القضايا معانه البيت
يعني الراتب ما يسوى تعبي...

ولكن .. شغلي حط لي مكانة في المجتمع ..
فلانة محامية .. الأستاذة فلانة ...
غير الإستقلال .. استحي اقول لأبوي ابي شيء رغم انه ما يقصر أبدا و يجيب قبل لا اتكلم ويعطي قبل لا تنقصني 5 فلوس حتى
غير ان نص يومي كنت مشغولة
ارجع من المكتب وينك يالسرير! اقعد ارتب واراجع واقرأ واجهز اغراضي لليوم الثاني واطلع مع امي واختي و صديقاتي
كان فيه عالم مختلف... كنت ابي وقت احك فيه راسي
يومي كله مشغول...

أما الحين ف لا تعليق ...

الشغل قوة و مكانة واستقلالية..
اذا فيه مجال ان تواصلين دراستج واصليها..
منى عيني ان ارجع ادرس تخصص جديد
أو ماجستير في تخصصي الأساسي

استغلي موهبتج


ويا ابتسامة اهلج ما معاهم حق يقاطعونج
بس اكيد معاهم حق ان ما بيتكفلون بدراسة عيالج دام ابوهم موجود!!!

تحتاجين ردة فعل قوية
لا تتطلقين..
لكن مثلا.. فيه مجال تقطين عياله عنده وتقعدين جم يوم ببيت اهلج ؟

__________________

حاجة الناس إليكم من نعم الله عليكم ، فـ لا تملوا النِعم ☁✨

والله قبل لايرجعني منطقتي
قال بيخلي ولدي عنده
انا رفضت
شلت هم كيف بيعاملونه اكيد بيهملونه لابياكل زي الناس ولابيشرب متى ماعطش
مافي مثل الام تحس بعيالها
ترى الكلام سهل
لكن مستحيل ام ترمي عيالها بس تأديب
لقلب حجر عساه لاحس ولاتأدب
لكن اظمن ولدي قدام عيني .
جدا صعبه على نفسي