لما اشوف مشاكل المتزوجات
وكيف رغم كل شي حابين ازواجهم
ويشتاقون لهم ويحنون لهم الخ
احس انهم بنعمه انا فاقدتها
لاني كرهت زوجي بكل مافيني
من كل المشاكل اللي تراكمت بحياتي
والنكد اللي شفته منه خلال هالسنه

احيانا افكر باطفالي
والا بكلام الناس
والا ببيتي السابق
واحاول اقنع نفسي بالرجعه
بس ما اقدر.. داخلي صدود الدنيا
اكتب لكم هالكلام لان زوجي يحاول يتواصل
وانا رفضه تماما التواصل معه

اظنه رجع يحاول
لانه استوعب اني فعلا بايعه خلاص
كان يظن اني اتغلى وبرجع له
مايدري اني مع كل يوم مر كرهته اكثر
وعالقه براسي كل اساءاته

صعب اكمل حياتي معه بهالنفسيه
ولا ابغى ارجع له واتصادم معه
واتمنى يتركني بحال سبيلي عشان اقنع نفسي ان الانفصال حل مناسب لي وله

طبعا اقول لكم كل هالكلام
وانا تعبانه من مسؤليه الاطفال
ومن مصاريفهم وطلباتهم
صرت لهم ام واب بنفس الوقت
وحتى نوعية مشترياتنا انخفضت جودتها
وصرت اقتصاديه بالفتره الاخيره

بس كل هذا اهون على قلبي من العيشه معه