المشاركة الأصلية كتبت بواسطة ZOTA

الوحيد ..

انت رجل نادر .. قرأت موضوعك السابق ووالله ارتسمت علامات استفهام كثيرة على وجههي ..

معقولة اللي صار ؟؟

افتكر لما خانني طليقي ولما عرفت كنت أبكي وأصيح وأقول ليه ياحبيبي تسوي فيني كذا ؟؟ هل قصرت بحقك ؟؟ مواصفاتي والحمدلله كويسه .. بنت شريفه .. موظفه واستاذه وأساعدك بالمصروف .. صايمه مصليه وأخدمك بعيوني حتى لو اني جايه من عملي تعبانه ؟؟

تدري كيف قابلني ؟؟ قابلني بالسكوت
وافتكر وانا اتكلم وألومه نام نومه عميقه لأنه يتهرب ومو قادر يرد علي ..

بعدها سألته قلت يا فلان يا حبيبي بسألك سؤال ورد علي بصراحه ..
تخيل لو أنا اللي خنتك .. هل بتسامحني ؟؟
قال مستحيل .. راح انتقم لرجولتي وعلى بيت أهلك على طول وورقتك توصلك ..

هذا وكلامي له كان افتراض .. عشان أشوف ردة فعله ..

ماشاءالله عليك انت سامحت .. وعشت معاها بقية الايام واخذتها عمره .. بعدين سويت تحاليل لها .. بعدين رحت خطبت وحده ثانيه ..
يا اخي ووالله العظيم مافيه رجل يسوي اللي سويته ولايتحمل اللي تحملته ..

ماقصرت .. ماقصرت .. ماقصرت

واتحدى انها تعض أصابع الندم لأنها فقدتك

يا حريم يا عالم يا ناس يا هووو

وربي لو كان زوجي بس يصلي ويصوم وانسان حافظ لدينه ويخاف ربه ووش أبغى أكثر من كذا ؟؟
رجل بهذه المواصفات أحطه في عيوني وقلبي ويكون كل حياتي ..

في هالزمن صار صاحب الدين واللي يخاف ربه عمله نادره ..

لو يتقدم لي شخص
حافي منتف .. مو لاقي اللي ياكله واللي يشتري به لبسه بس انه انسان يتقي الله ويحافظ ع الصلوات في المسجد

وربي وربي أنا اللي أقدم له المهر

للأسف في هذا الزمن نادر يا بنات تحصلوا الانسان التقي اللي يدور ع العفاف بالحلال

عشان كذا أشدد على صاحب الدين بغض النظر على صفات ثانيه تتمناها البنت في شريك حياتها

اسفه عالاطاله

ويا الوحيد ربي يرفع قدرك ويرزقك باللي تستاهلك لأنك رجل نادر والله يعوضك
وصدقني أجرك كبيييير .. والله يحبك ..

اسفه ع الاطاله

المشاركة الأصلية كتبت بواسطة الـــوحيد

الله يسلمك اختي

بس شوفي اختي بعد اللي سويته وش جازتني فيه!!
جازتني بجحود ونكران وكل يوم طالعه لي بسالفه جديده ومشكله جديده

للاسف اختي تغيرت المفاهيم بهذا الوقت
الطيبه صارت يسمونها ضعف

المشاركة الأصلية كتبت بواسطة ZOTA

يا اخي انت رجل رجل رجل .. قدامك خيارات كثيرة

هي حرمه ما بتقدر تسوي لك شي ..

بالعكس انت الحين قلبت المفاهيم .. انا لو منك أمشي براس مرفوع وأدور لي بنت الحلال واتزوجها واعيش حياتي

عيالك ما بيموتون صدقني .. عيالك أولاد ومافيه خوف عليهم ان شاءالله وانت ما بتبعد عنهم

طيبتك ذي انساها مع ذي الانسانه .. واضح انها موظفه

خلاص الله يرزقك ويرزقها .. العيال ماهم سبب في عدم اكمال طريقك

شوف لنفسك لا تجيك أمراض نفسيه .. عيش حياتك وانبسط والله العمر واحد

عيالك بيكبرون ويصيرون شباب وكلن بيشوف حياته

ياخوفي من انك لسه تحب طليقتك ؟؟
عشان كذا انت عامل لها حسابات من الحين ..