أخي الكريم في اعتقادي تواجدك كثير في المنتدى وتقرأ قصص المطلقات

ترى المرأة الواعيه ما تطلب الطلاق إالا للشديد القوي .. عيب كبير ماتقدر تتحمله وتخسر حياتها عشان شخص مو مستعد يعدل من نفسه

وبعض الحريم تصبر وتصبر مثل حالتي وتحاول تعالج .. في النهايه هو ينسحب ويقول لها يا بنت الحلال انتي تستاهلين شخص أحسن مني .. انتي ما تستاهلين تضيعين حياتك مع واحد مثلي

ترجع تقول له يا زوجي يا روحي ماعليك بتحملك وان شاءالله تتعدل ودامك حسيت ان فيك عيوب واعترفت فيها .. إذاً هنا بداية العلاج

يرجع ويقول لا لا انتي تستاهلي واحد أحسن مني .. الله يوفقك ماراح ترتاحي في حياتك معاي أبد

في ذي الحاله ووش تسوي معاه ؟؟

تبوس رجله مثلاً ..

يا أخي خذها قاعدة مافيه مرأة تتزوج وهي تبغى تتطلق
إلا بنسبة 10 % فيه حريم ماعندهم تفكير

لكن دامي تزوجت وانسترت ووش أبغى أكثر من كذا ؟؟

في اعتقادي السبب لحالات الطلاق بنسبة 90 % هم الرجال أنفسهم
بالتالي ما نقدر نقول المرأة هي الخسرانه
نقول نصيب والحمدلله لعله خير وان شاء الله ارتاحت من النكد ..

__________________

(( لا شيء يجعلنا عظماء سوى ألم عظيم ))

تمام خرجنا بفايده يعني الزوجه ماتطلب الطلاق بشي بسيط او شي ممكن التعايش معه
ومتى مارأت ان حياتها وكيانها في خطر فارقت وطلبت الطلاق

__________________
رَبِّ أَعِنِّي وَلَا تُعِنْ عَلَيَّ، وَانْصُرْنِي وَلَا تَنْصُرْ عَلَيَّ، وَامْكُرْ لِي وَلَا تَمْكُرْ عَلَيَّ، وَاهْدِنِي وَيَسِّرِ الهُدَى إِلَيَّ، وَانْصُرْنِي عَلَى مَنْ بَغَى عَلَيَّ، رَبِّ اجْعَلْنِي لَكَ شَكَّارًا، لَكَ ذَكَّارًا، لَكَ رَهَّابًا، لَكَ مِطْوَاعًا، إِلَيْكَ مُخْبِتًا قَلْبِي

مو صحيح يا أختي ...الأيام هذي أغلب البنات مايصلحون للزواج إلا من رحم الله منهم
البنات صار مافيهم حياء مثل بنات أيام زمان وهمهم الأول والأخير الشاب المريش والمرتاح ماديا والوسيم ما همها لا أخلاقه ولا دينه ولا تقوواه وكذلك الشباب صار ما همهم إلا الجمال والجسم ولون البشرة بس أنا من وجهة نظري أشوف إنه أغلب البيوت تخرب بسبب الحريم ومشاكلهم خصوصا في عهدنا الحالي وللأسف الخيانات منتشرة بين المتزوجات وأصبحت موضة بينهم وبعضهم يتفاخرن بهذا الشئ والبعض منهم تعمل إنها الشريفة العفيفة الطاهرة التقية قدام أهلها وزوجها وهي لها أكثر من عشيق للأسف الشديد والمشكلة إن المجتمع يتكتم على مثل هذي الأمور ودائما يرمون اللوم على الرجل المغلوب على أمره ولا من الأساس ليش الشاب يبي يتزوج ويدفع مهر ويأثث بيت ويخسر فلوس وفي الأخير يطيح بوحدة تقوله إنته ما سويت لي شئ فلانة أحسن مني وفلانة زوجها وداها وفلانة زوجها أشترا لها وتكون سيئة الخلق وعنيدة ولسانها طويل وحدة هذي بالله الواحد وش يسوي معاها ؟ ...لذلك أغلب البيوت تخرب بسبب النساء وصدق الرسول صلى الله عليه وسلم حينما قال إنهن يكفرن العشير والله تعالى أعلم

اراك متحامل على النساء بقوة ..
اصابع ايدك ماهي سوا ..
كلامك متناقض ،، مرة تقول تتفاهر بعلاقاتها الشبابيه معنى ذلك مافارقه وياها اذا احد عرف عنها وانحطاط اخلاقها ومرة تقول انها تظهر بالعفة والطهر ..
كل من الرجل والمرأة مخطأ من ناحية الخيانة ولا نبرر للنساء ..

العفيف عفيف لا شيطان انس ولا جن يقدر عليه ..

----
اذا كانت قد طلبت الطلاق من تلقاء نفسها فلا اظن انها قد خسرت ..
لاكن لو كان الطلاق خارج عن ارادتها فربما خسرت الود والامان

__________________

والله ما قلت إلا الحقيقة المؤلمة اللي يغفل عنها الكثير ...بالنسبة لكلامي وين التناقض بالله ؟ أنا قلت إنه بعض المتزوجات الخائنات تسوي إنها الشريفة العفيفة الطاهرة قدام زوجها وأهلها حتى يروها بنظرة كويسة وإيجابية لاكن من وراهم تعمل المصائب وترتكب ألعن الفواحش والله ثم والله إني اعرف شباب متخصصين متزوجات يعني ما يتعرفون إلا على المتزوجات فقط ...وعند سؤالهم عن الأسباب يقولون المتزوجة أمان وأضمن وأخذ راحتي معها واحد منهم تعرف على أكثر من 12 حرمة متزوجة حسب ما يحكيني لدرجة إنه بعضهم أزواجهم طيبين معهم ومرتاحين ماديا ...حتى أنا أقترحت عليه قلتله بالله أسألهم هل ازواجهم يعاملوهم معاملة سيئة أو ماشابه ...أجابو بــــ لا ...بل يقولون بالعكس أزواجنا طيبين ومو مقصرين معنا ورغم هذا تخونه وتمارس الرذيلة مع غيره أو يكون لها عشيق والزوج المسكين ياغافل لك الله ما يدري عن شئ ...حسبي الله ونعم الوكيل على ها الأشكال ...مصيره يجي يوم وينكشف أمرهم سواء كانت مرأة او رجل

مع كل اسف كلامك واقعي ومحزن جدا

__________________
سبحان الله وبحمده سبحان الله العظيم

أنا أشهد كلامك صحيح للأسف ، وقد يصل إلى ما يتجاوز 50٪‏ ، الدين لدى البعض ليس عن عقيدة واعتقاد ، الدين لباس ومظهر فقط ، وما جعل هذه الأمور تشيع هو انفتاح التقنية في الوقت الحالي الذي تتيح لكل شخص فعل ما يشاء كما يشاء ، لأن الرقابة أصبحت ذاتية تنبع من داخل كل شخص ، إن لم يكن قلبه راسخا بالدين فسيسير حسب هواه .

وكل من ذكرت من الأمثلة إنما هي تحسب أنها تستطيع فعل ماتشاء دون علم أحد ، والله عليم خبير ، الله عز وجل لا يكشف الشخص إلا إذا تكرر منه السوء .
لكن لا يزال بفضل الله في المجتمع من هن عفيفات محصنات ودون رقابة من أحد ، نسأل الله السلامة للجميع .