اسمحيلي اختي
كلامك فيه انانيه غريبه
مافكرتي ولاتفكرين الا بنفسك وبطموحك وبس
حتى لو كان هالشي على حساب انسان ماله ذنب انك ماحبيتيه ولا له علاقه بقساوة والدك
ولا له علاقه بسقف طموحك
اتفهم ان الانسان يبي يعيش مع انسان يحبه وهذا شي مطلوب ولا الومك عليه
ولكن انتي الحين جالسه مع زوجك بدون محاولات للحب جالسه لتمضية الوقت حتى يتغير وضع اهلك او يتحقق طموحك واللي هو البيت
طيب وش ذنب زوجك بهذا كله؟
تخيلي تتزوجين واحد وتعيشين معه خمسه او عشره سنوات وبعدها يقولك مع السلامه انا ماحبيتك وش راح يكون شعورك
ماراح تنقهرين على عمرك اللي راح

الله يهديك بس ويرشدك للي فيه الخير

.
.
اخي الفاضل الوحيد ما اقدر على قلبي ولا اقدر بضغطة زر أسيطر عليه..

فلة بقول لك شي وأبيك ما تردين علي إلا بكرة بعد ما تفكرين في كلامي!
أنت كل شي تسوينه في هالدنيا لازم تشوفين ثمراته ونتايجه فيها؟!
تفكرين في الآخرة؟!!
يجي في بالك إن ترى الدنيا زايله
إن زوجك لو مسكتي بيده وساعدتيه يمكن يكون لك باب من أبواب الجنة ، ونور وفرج لك بالدنيا؟!
قد فقدتي أحد ومات لك ؟!
قد مريتي بتجربة قاسية بحياتك غير سالفة أبوي شديد
قد فكرتي بنظرة غير نظرتك المادية البحته للحياة ؟!!
ما كلمتك أبي أجرحك أو أضايقك ، بس فيه جانب سامي في هالحياة أشوفك بعيدة عنه تماماً
وبكرة ثقي بتندمين
لا تثقين بسالف جمالك وشخصيتك وتفوقك وسمات تفكيرك
كل هذي بدون توفيق الله بتعذبك ما رح تنجحك
تدرين حتى لو ما حبيتيه ياختي ارحميه
بالذات إنه ماهوب سيء
بتطلقين وبتدوسين عليه وبتكملين طريقك لكن بعدين وش بتخسرين؟!
مارح أقول
خلي الأيام تعلمك إن الدنيا ماهيب سباق وكائنات تفترس بعضها

__________________
.
هناك من يتذمر لأن للورد شوكاً، و هناك من يتفاءل لأن مع الورد شوك.

.
.
اختي شوك راح أرد عليكي اليوم وضروري اليوم عارفة ليه؟؟ لانو أساسا كل ما أعانيه هو لأَنِّي ابتغي رضا الله عني، انا مع زوجي صرت في منحنى سيُصبِح خطير لأَنِّي ما صرت اتقبله في الشي اللي بيني الزوج والزوجة وإنما اضغط على نفسي لتأديته فأنا بذلك أعصي الله، انت عارفة اني كل ما شفت رجل او سمعت عن رجل بالمواصفات اللي اتمناه اتحسر وتتمناه نفسي، عارفة اختي انو مرات الشيطان يزينلي نظرة رجل وسيم لي فأفرح ثم ماالبث ان ابكي من الغبنة وإني أغضبت الله واستغفر، يااختي انا ما أبغى أوصل للخيانة وباذن الله لا ديني ولا اخلاقي ولا تربيتي تسمحلي، لكن الشيطان موجود وتحدى رب العالمين في إغواء البشر وضياعهم،
.
.
انا اريد رجل يعفني في عقلي وقلبي وتفكيري ويمل كياني لآنال رضا الله والدار الآخرة، وقد البس النقاب ان طلب مني لأَنِّي احبه فسيعينني على رضا الله والدار الاخرة ..
.
.
انا لا اريد ان اسلك السلوك الخاطئ ولا ان اخون ربي ثم نفسي قبل اي شيء..

سبحان الله ألحين كذا تبتغين مرضاته؟؟!
وين الجهاد والرضا بما قسمه الله لك
خاصة إنه ما آذاك في حياتك؟!!
تحاسبينه على شي مو بيده
بس شي واحد اللي معاك فيه
الصلاة
بس ما أشوفك تشتكين من هالشي
أنت معميتك الدنيا وتلهثين وراها
عشان كذا مهما تكلمنا كلامنا ما يوصل لك.
الله يرزقك ويرزقه من واسع فضله.

__________________
.
هناك من يتذمر لأن للورد شوكاً، و هناك من يتفاءل لأن مع الورد شوك.

.
الزواج يااختي ليس عقد أبدي او دخول دون خروج حتى أجاهد واصبر وكأن الموضوع دون حل، اختي انا تكلمت عن الصلاة وعن تفريطه فيها ولم اسكت عنها أظن انك لم تقرأي كل ردودي، ومن ادراك انني ألهث وراء الدنيا هل تعرفين مابين وبين الله ام لابد حتى من ذكر هذا؟؟
اشكر لك اختي مداخلتك

اختي لو كل واحد منا ركز على سلبيات الطرف الاخر وكبرها ماكان فيه احد حب زوجته ولازوجه حبت زوجها لان كل الناس فيهم عيوب وتتفاوت هالعيوب
اختي انتي مثل اللي تصور صوره وتركز الزوم على مكان فيه خلل الصوره كلها ماراح تكون حلوه لان التركيز على الحاجه اللي ماهي حلوه
عكس لو اخذنا الصوره كامله فـ بالتأكيد راح نحصل حاجات حلوه فيها واحتمال الجمال فيها يكون اكثر من العيوب
اختي عمرك ماراح تحبي زوجك وانتي بهذي السلبيه وبهذا التفكير
وحتى لوكان زوجك اوسم رجل على وجه الارض وفيه مميزات جميله ولكن اذا اعطيتي نفسك ايحاء ان هالانسان مايستحقك وانك تستحقي الافضل منه والاوسم منه ماراح تقدري تتقبليه

.
.
اخي الوحيد اذا كان الزوج لا يعمل ولا يصلي ومهزوز الثقة بنفسه ولديه رهاب من الناس وشكله اقل من العادي وأغلبها اكتشفتها بعد الزواج .. فماذا سيكون شعوري واحط الزوم أين .. بسبب الزوم اللي كان على حريتي صبرت 4 سنوات، لكن وجدت اني افقد الحياة الزوجية الحقيقة التي احلم بها ..