باختصار
زوجته الأولى لما عرفت
وبالرغم من مرضها لكن العشرة ومكانتها بقلبه لما عرفت ما قدر يكمل معاك!!
لا تستغربين
جاوبتك عشان ما تتعلقين بسالفة مسحور والا عين والا أي شي ثاني
هو كان وسيلة تسوين لك شقة وتنتبهين لنفسك عشان بكرة أجمل وأحلى
هاللي مريتي فيه أمر فيه حالياً ممن كان زوجي وأبو أولادي
أحياناً أحس أبوصل مرحلة أبفقد عقلي فيها
إيه يوجعني بس مو لهالدرجة
لكن عندي يقين أبنسى
وأبوقف بحول الله من جديد
خيبتك في خطيب
مالك معاه ذكريات ولا تضحيات
خيبتي في زوج عشت معاه 9 سنوات!
لا تطاوعين نفسك إذا قالت لك اسأليه ليه؟!
اللي راح بكيفه يرد من كيفه
ولو تسمعين أخت ناصحة لك
حتى لو يرجع ، لا ترجعين لأنه يبيع بسهولة وبسرعة
يكفيك طعنة وحدة
بتنسين وبيعوضك رب، كل الحكاية مسألة وقت بس🙂

__________________
.
هناك من يتذمر لأن للورد شوكاً، و هناك من يتفاءل لأن مع الورد شوك.

زوجته وحن عليها
وحقها
لكن ودي قال لي
خلاص
لكن يهملني ويتركني معلقه
وبعدين هذا انتي زوجك ماهمته العشره
الرجال اذا بيبيع ماهمته عشره ولاغيره
بس تمنيت منوه علمني باسباب خيبتي
عالاقل
ماقول الدنيا ماهي بخير

لما عرف إني عرفت
كررها ثلاث مرات في ثلاث مواقف
أبطلقها
ومن تكون فلانة عندك !!
هذا ما همته العشرة
نبيك تفهمين مقصدنا وتستوعبين إنه من أشباه الرجال
لكنك مصرة تنوحين عليه
وتطلعينه غير
ما يستاهلك
واللي صار رحمة من رب العالمين لك
لأنه بيبيعك مع أول لحظة يضعف فيها أو تعرف زوجته.
اللي يبي الحلال والستر
يكون رجل بمعنى الكلمة
ويواجه الدنيا كلها
مو كنه جرذي بالدس والخش والسرقة
اسمعي مننا ولا تاكلين بعمرك أكثر
حرام ما يستاهل كل حرقة هالدم وتلف هالأعصاب.
إذا بتحزنين
احزني على عمرك على نفسك
وكلها مسألة وقت وبترجعين للحياة
بس انسيها ولا تنتظرين منه شي أو تلحقين وراه وليه يا فلان
انسان غلط وربنا خلصك منه وبكرة تثبت لك الأيام.

__________________
.
هناك من يتذمر لأن للورد شوكاً، و هناك من يتفاءل لأن مع الورد شوك.

لا ترهقين نفسك قلنالك هذا من اشباه الرجال

واشباه الرجال ما تهمه حتى زوجته
لكنه خايف لا ترمي العيال بحلقه وتتركه
وبالتالي يتورط بين البزارين وينشغل عن مغامراته
والا لو اللي منعه العشره ما كان لف ودار عليك لين عطيتيه وجه ووافقتي
وين العشره وهو يركض وراك سنه وموسط عضو في هيءة الافتاء!!
جبان وخايف تتركله البيت والعيال ونعرف كلنا الرجل ما يقدر يشيل عياله
ولو هو شجاع وقد قراره كان دبر عمره
واقل شي كان اعتذر زي الرجال وانسحب مو يتخبى زي الجرذ زي ما قالت شوك

انسيه وعيشي حياتك
وعوضي ولدك عن الايام اللي بقيتي فيها في المستشفى
مسكين يعاني ومو عارف ايش القصه
بالله عليك عوضيه وضميه ورفهي عنه ايش ذنبه😥

طيب ايش تقولين عن اللي ما انسحب ولا تقدم
جالس يراقب ادق تصرفاتي ويتابع ابسط اخباري
ولا هو تقدم الى الان ولا هو اعلن انسحابه حتى انساه!

ايش رايك فيه يا اختي الكريمه شوك؟؟

__________________
( اللَّهُمَّ آتِ نَفْسِي تَقْوَاهَا، وَزَكِّهَا أَنْتَ خَيْرُ مَنْ زَكَّاهَا، أَنْتَ وَلِيُّهَا وَمَوْلَاهَا )

شكرا لكم جميعا
بس ردك وقفت عنده لانك تقولين لازم يكون رجل
طيب اللي كنت اشوفه مع امه وزوجته واولاده
اللي كنت اشوفه مع ابوه
لما كنت اقول له زوجتك كان يقول وقفت معها فمرضها
وعالجتها
وصبرت
وهي بتفهم اني ياما ضحيت عشانها
فجاه
حتى تفسير ماقدمه لي
اللي عرفته سنتين ليه خابت رجولته عندي

بالضبط والظاهر طويل العمر كان يبيك بالسر عن زوجته ولما عرفت وقلبت الدنيا عليه تراجع ، نصيحة لك ولغيرك "المندفع" خااافي منه ، "كثير الوعود" لاتثقين فيه "اللي يظهر لك من العدم ويفرض نفسه" لاتأمنينه ، وإنتي إندفعتي لكن الحمدلله إندفاعك لصالحك يكفي شريتي شقة وهالشي المفروض مسويته من زمان إذا ماسكنتي فيها أجريها وإستفيدي منها كدخل إضافي ، ولدك حلو إنك تكلمتي معاه لازم تهيئينه لدخول زوج في حياتك سواءً الآن أو مستقبلاً ، إنتي ماخسرتي شي الحمدلله والصدمة ذي بتقويك وبتعرفين كيف تتعاملين مع أشباه الرجال و كيف تميزين الجاد من الأناني الإستغلالي ، وترا زي نوعيته كثير ينشب لك لين توافقين وإذا وافقتي تراجع في موضوع لأخت معنا هنا مير البلا ذاك خطبها ولما شافها تراجع اللي يتذكر الموضوع يحط مشكوراً الرابط يمكن الموضوع يواسيها ، ع العموم إنتي الكسبانة هالأشكال ماتصلح للزواج

__________________

وبدأت تحدي إنقاص الوزن الهدف إن شاء الله 55 كيلو

كلام مهم جدا أفدتيني في موضوع يخصني..

__________________
{قُلْ يَا عِبَادِيَ الَّذِينَ أَسْرَفُوا عَلَى أَنفُسِهِمْ لا تَقْنَطُوا مِن رَّحْمَةِ اللَّهِ إِنَّ اللَّهَ يَغْفِرُ الذُّنُوبَ جَمِيعًا إِنَّهُ هُوَ الْغَفُورُ الرَّحِيمُ}

صدق الله العظيم