اذا جتني رساله جديده منها راح اقول لـ اخوهاالكبير كل شي

كلامك صحيح اخوي سلطان
فعلا لازم اغير من نفسي
ولازم احط حد للي جالس يصير

رايك يعني اكلم اخوها الكبير واقوله كل السالفه لانه مايدري عن شي

خل اخوها الكبير على جنب الحين وعموما لا تشد ظهرك باخوانها كثير واضح انهم ما هنا ذاك الزود
لكن لما ترسل لك رساله مستقبلا انتهز الفرصه وكلمها هي مباشرة بالتلفون وعطها كلمتين جامده بالعظم وانت معصب وصوتك عالي شوي بدون ما تسمح لها تقاطعك او تاخذ وتعطي معك وخلال المكالمه هددها انك بتعلم اخوها الكبير وبعد ما تقول اللي بخاطرك كله اقطع الخط مباشرة بدون ما تقول مع السلامه
وبعد كذا لو ما هجدت كلم اخوها الكبير مباشرة بنفس اليوم اللي ترسل لك فيه وعطه كل التفاصيل بمكالمه وحده وعشان ما تظن طليقتك انك تهدد فقط .

اعتذر لك لو كان ردي السابق قاسي عليك

__________________

هلا الشيخ وحيد

ياخي ساعات احس انك اخوي التوأم هههههههه
الردود الاخيره منطبقه عليي وعلى طليقتي اب شكل كبير جدا

فعلا طليقتي نفس الموضوع ترى
- خيانه
- تزوجت من الي خانتني معاه
- ما حشمت نفسها وكانت تبي الاولاد يوصلولي أخبارها مع زوجها الجديد
- محاولات إشغالي و التجسس عليي والتحقيق مع الاولاد كل مره عقب ما يرجعون مني ( وهي على ذمة رجل )

بعد ما فجرت فيها حاليا شغاله قضايا علشان ما آخذ منها الحضانه و حتى زواجها مو اموثق رسمي ههههههه

طيب سؤال،،،، زوجها الجديد شلون امخليها اتشتت نفسها مع القضايا ضدي غير السب الي جاها مني و هم الغريبه ان صارلها قريب سنه معاه وما جابت أطفال

يعني انا لو اتزوج مطلقه بشرط عليها إغلاق صفحة الماضي مع طليقها بس الظاهر الي معاها الحين مو هامه اصلا هههههههههه

خل تدفع الثمن الحين، باعت اَهلها و بيتها وهذي النتيجه
اللهم لا شماته

ابعدوا الاطفال عن مشاكلكم .. مالهم ذنب .. بكره يتعقدون ويصيرون نفسيات لاسمح الله ..
ويا اخوي اذا اولادك اطلبوا منك شي .. فهمهم ترا الطفل يفهم .. ويفهم اكثر من الكبير احيانا .. كلمهم وقول لهم انا بوفر لكم اللي اقدر عليه .. واللي ما اقدر عليه ممكن يتأجل ,,
وما ودي انك تبعد الاولاد عن امهم بس انا مو شايف قدامك اي حل ثاني ..
خذ عيالك وجلسهم عندك .. وتزوج لك وحده كبيره عاقله تحترمك وتقوم بعيالك .. من اللي تكلمت عنهم من بنات عمامك .. الى ان زوجتك ترجع لعقلها وترضى بالامر الواقع عقب اهلا وسهلا فيها باي وقت تبي تشوف عيالها .. اناا ضد حرمان الاولاد من امهم او ابوهم ..
ثمن موضوع الستر عليها .. كلم اخوها الكبير اللي بكل الاحوال بيكون اعقلهم .. وخله يعلمها بأنك علمته بالموضوع من الالف للياء .. خلي الموضوع بينهم .. انت مالك ومال وجع الراس ..
وبالعكس .. يوم تقول انك تحسد الاحمق لانه يتخذ القرارات بدون دراستها .. بالعكس .. لازم تدرس جميع الاحتمالات قبل الاقدام على اي قرار .. بس اهم شي الحزم .. يعني ما تقعد فتره طويله تفكر بحل .. وفي الاخير تقول لااا انا طيب خلاص خليها يمكن تعقل ..
او طبق كلام الاخ سلطان اشووفه عقلاني جدا لاني لا اخفيك اني قاعد اكتب لك ردي هذا وانا متنرفز بصراحه وكأني انا المعني بالموضوع ..

انا بعد ضد لكن اذا الام خاينه و مو محترمه وتدوس على عيالها واتقولهم انا ابي اييب عيال من زوجي اليديد واتبيعهم تالي اتقطهم علشان اتزوج انا اقول امعصي عليها . هذي كانت ام ولا تستحق تكون ام اصلا. والحين اب كل قذاره تكذب واتقول انها مجابله عيالها واصلا العيال ما يبونها لانها اهملتهم لكن قسما بالله لا ادفعها الثمن باقي عمرها كله.

لاتنسى اخوي انك سترت عليها ولا تنسى اجر الستر بالدنيا والاخره لاتضيييع اجرك وصبرك
واهي مبين مو طبيعيه الله يرفع عنها ويصلحنا واياها

**كنت افكر ارسل لطليقي شييي بخاطري الان شلت الموضوع من بالي **

واحتسب اللي اشعر فيه عند الله

لعل الله يعوضنا مافقدنا

الله يهدي النفوووسس كل هذذذذذا واللهم لاشماته وش بقيت

طبعا احنا ضد الخيانه

بس تذكر القلوب بين يدي الله يقلبها كيفما يشاء
وتذكر الشيطان يجري في بني ادم مجرى الدم بالعروق
وتذكر ان الانسان مبتلى

والله اقولها من قلب محب الخير لتفسي والجميع
لاتلحق الشماته بأخيك فيعافيه الله ويبتليك

من أمن العقوبة اساء الأدب

روح للمحكمة و أشتك عليها بلا اخوها بلا غيره .. النوعيات هذي اذا ما ردعها خوفها من الله ما يردعها خوفها من البشر لازم لها تأديب بالقانون والمحكمة و التأديب يوصلها للعمل اذا ما انردعت و خلهم يفصلونها من العمل بسبب أخلاقياتها مثلها حرام يكون معلم

استغفر الله بس جد حركاتها مستفزة هذي انت الله ابتلاك فيها كل مره راح تخرب لك بيتك اذا استمريت بوضعك هذا متساهل معاها

اولاً: يجب معرفة رأي العلماء، هل يجوز فضح المسلمات؟ واذا اصبح الفضح، الفضيحة بتلحقه الجميع
ثانياً: أدبيا وحسب العرف ان لا يتكلم احد بعيوب طليقته او زوجته