قبل يومين كنا أنا وولد أختي (عمره 23) طالعين مشوار ..

قلت له بخطب لك ياخي (متعودين نتعامل مع بعض مثل الأخوان)

المهم قلت له بخطب لك بس اختار المواصفات اللي تبغاها (أقصد العمر .. التدين .. الثقافة .. التعليم .. الجمال)

قال لي والله شوفي

أنا عندي قناعه إن غالبية البنات يبغون الستر والزوج المتدين اللي يخاف الله فيها ..

قلت ممتاز بارك الله فيك

لكن على العكس الخوف على البنات من شباب هالزمن ..

قلت وضح أكثر ..

قال باختصار عندك مثلاً بنت خطبتها وكانت دلعه ومتطلباتها كثيرة وفيها صفات يكرهها زوج المستقبل .. أنا عندي قناعه انه بعد الزواج راح تتعدل لأنها خلاص تزوجت وبتتكيف مع الحياة الجديده وبتخاف من شي اسمه طلاق
الطلاق للبنت مو سهل ..

على العكس البنت لو اخذت شاب فيه مواصفات كريهه وانسان لا يطاق .. البنت ضعيفه ولا بتقدر تغير فيه شي بعد الزواج
هو راح يجيب لها المرض بتصرفاته لغاية مايحصل الطلاق .. ويمكن يحصل الطلاق منه هو مو منها ..

باختصار ..

البنت يقدر الرجل يشكلها بعد الزواج وفق لظروفه هو .. ويعدلها زي مايبغى

لكن البنت صعب تعدل في الرجل شي والله يعين جميع البنات اللي يطيحون في ازواج مايخافون الله ..

والله هذي نظرة شاب عمره 23 سنه
الله يوفقه ويرزقه ببنت الحلال اللي تناسبه وتناسب تفكيره ودينه ..

__________________

(( لا شيء يجعلنا عظماء سوى ألم عظيم ))