سؤالك جاي على جرحي ..

اليوم وأنا أسوي فطوري وأفكر ليه يا بنت ظالمه نفسك كذا ؟؟

طبعاً خليني أتكلم عن وقتي بعد انفصالي وكيف بقضيه لأني زمان وأنا متزوجه كنت أقضيه ثلاثة أرباعه لأبو الشباب مو لي ..

حالياً شوفي كيف أقضيه

من الصبح للعصر على لابتوبي .. بتقولي وش تسوين ؟؟

أقول لك العمر يخلص والشغل ما يخلص ..

شوي أخلص أعمال دوامي الحالي .. شوي أطور لغتي الانجليزية .. شوي اقرأ في شتى أنواع المنتديات وأتابع الأخبار

طبعاً أصحى الصبح أصلي الفجر وما أنام أقرأ الورد اليومي من القرآن .. وأنام على الساعة 9 بالليل

العصر أجلس مع الأهل .. وبالليل أجهز ملابس الدوام وأنام ..

طبعاً كثير من الصديقات يعتبون علي .. أحيان يعزموني في مول .. أقول ماني فاضيه .. أحيان الأهل يطلعون نزهه ما أطلع معاهم وقتي كله لشغلي للأسف .. عشان كذا أقول ظلمت نفسي كثير ..

__________________

(( لا شيء يجعلنا عظماء سوى ألم عظيم ))