هذا طبع زوجك ياكنافه عاد الشكوى لله
تحملي وانا اختك عاد لتطلقتي وش بتحصلين عليه والله ياغير تزود المشاكل بينكم بسبب الاطفال وراح تكوني اكثر قلق
بسببهم
اذا سفرك كثر الله خيره ماسفرك لاتطردي خلف شي مستحيل طنشي
بس تعلمي تطنشي من قلب يعني اذا طنشتي الشغله انسيها لاتذكرينها ابد
عيشي بعفويه وهو اللي راح
يجيب لك الشي لعندك
وانصحك بالوظيفه

اولا .. رب ضاره نافعه , انتي طلبتي الطلاق وزوجك كان على وشك يستسلم .. أتمنى يكون طلب الطلاق قرصة اذن لزوجك عشان يستعجل بالاصلاح لأنه يبدو لي كان ماخذ راحته بالرجعه وما كان مستعجل وربما هالطلب يجعله اكثر جديه للإصلاح بأن الموضوع يمكن يطلع من يده
ثانيا .. سبق وقلتي إنك شاكه بأن زوجك يعرف معرفك ويقرا مواضيعك ولكن الحاله الصعبه اللي وصل لها حسب وصف ابوك لا تدل على هذا الشي لأنه لو كان عارف وضعك وما وصل له حالك ما كان تعب هو من الوضع لأنه بيكون كاشفك من حيث لا تعلمي وكان لقيتيه الحين مرتاح
ثالثا .. ترددي دائما انك تعرفين زوجك جيدا وكل تصرفاته مكشوفه بالنسبه لك وزوجك يفسر تصرفاتك على غير حقيقتها ودائما يتهمك بالتصنع والخبث وووو ... الخ
يبدو لي أنكم كلكم تسيئون الظن ببعض وانتم بحاجه كبيره لجلسة مصارحه وتصفية النفوس وتقفيل الماضي تماما وفتح صفحة جديده بحياتكم
كلها احترام وثقه وحسن ظن ولا بد من عمل هذه الخطوه قبل ما ترجعين بيتك وتقفلي كل العالق
رابعا .. ما زلت عند توقعي بأن الاصلاح قريب بإذن الله مثل ما قلت بردي السابق
خامسا .. درس لكي ولكل النساء , لما تكون الوحده زعلانه عند اهلها ومسلمه الموضوع لهم
لا تروح تتصرف من وراهم فربما تحرج نفسها واهلها معها ويجب ان يكون هناك تنسيق مواقف بينها وبين اهلها بخصوص أي تصرف تصعيدي أو تهدئه مع زوجها
سادسا .. لما تجلسي للحوار مع زوجك وإذا بدى يعدد عيوبك لا تقاطعيه وتبدي تدافعي عن نفسك وتهاجميه بعيوبه
وكل ما قال شي قطعتي كلامه ورفعتي صوتك وانت بعد تسوي كذا وكذا وووو , بل اتركيه يكمل واعترفي بأخطائك واعتذري عنها بعدين كلميه عن اخطائه
محتوى الكلام في الحالتين واحد سواء بالحوار الهادئ أو بالمقاطعه ورفع الصوت ولكن الأهم هو اسلوب الحوار والتحاور من اجل الوصول لحل وليس من أجل تبادل الاتهامات ورفع الصوت على بعض .

__________________

الله يفرج همك ياكنافه ويرد زوجك لك رداً جميلا
،،، ليش هالموضوع بقسم المطلقات المفروض بقسم المتزوجين؟!،،،

وش سوء الظن هذا!!

يبدو لي انك انتي بعد يا أم روان عندك خلل

صارت ثقتك في زوجك معدومة وهذي مشكلة

عموماً اثنيناتكم فيكم عيوب لازم تصلحونها

ليش الواحد دايم مايشوف إلا عيوب الطرف الآخر؟!

__________________
اللهم لا تجعل الدنيا أكبر همنا ولا مبلغ علمنا ولا إلى النار مصيرنا واجعل الجنة هي دارنا وقرارنا

اختي اشغلتني دنياي جزاكِ الله خير على ردكِ الأخير

الأخ الحبيب سلطان ذكرت أشياء مفيدة الله يجزيك خير جزاء المحسنين

الأخت أم روان هل عندكِ الشجاعة تكتبي لنا عن خصالكِ وأطباعكِ ؟

اعرف انه محرج ولكن نريد افادتكِ ، فمعرفة الانسان خصالة الحميدة والذميمة تساعده على حل مشكلاته.

قولي أي شيء تعرفينه عن نفسك .. فمثلاً :

أعترف بأني عصبية وأريد التغيير
أعترف بأني عنيدة وأريد التغيير
أعترف بأني متسرعة وأطلق الأحكام بدون تريث وأريد التغيير.
أعترف بأني لم أوفق بشكل مدروس بأني تغيرت عن بداية الزواج، وهو لازال راسخة في ذهنه بأني جافة ، وحادة المزاج ، وأما الأن فتغيرت .

معرفة الانسان بصفاته الإيجابية أو بعيوبه، عامل مهم لحل مشكلاته.

فيك مكابرة وشوفة نفس
تقهر
عرفتي ترسلين له أبي الطلاق لأنها ترضي غرورك
لكن ما تعرفين تستعبطين شوي وتجين على نفسك وتكلمينه وتقولين الوالد يقول إنك تبي تكلمني.
تدرين وأنا بعيدة ومن تسلسل الأحداث إيه عندك بقعة عمياء في شخصيتك ما تشوفينها.
ما فيك " لين" الأنثى وعفويتها
بتموتين ما تبين الطلاق
ولا تبين تتعبين معاه وله ولك قبل كل شي ولعيالك.
الخلل فيك أكبر مما هو فيه
وعشان أقطع عليك الطريق في التبرير المعتاد منك
بين السطور أشياء يقرأها الواحد جلياً أكثر من السطور نفسها!!
في النهاية
حتى لو إني زميلتك وهذي شخصيتك ما رح أتحملك لأنك مغرورة وشايفه نفسك!!

__________________
.
هناك من يتذمر لأن للورد شوكاً، و هناك من يتفاءل لأن مع الورد شوك.

للأسف هذه هي الحقيقة

كلمني زوجي قبل ساعه
تكلم بمواضيع عامه كيفك وكيف الاهل الخ
ويسأل: كيف الاجازة معك؟

كان هادي كأني شايفته امس
رديت عليه بهدوء
وجلس يتكلم عن اخبار اهله
فلان نقل وفلانه ولدت الخ
وانا: ماشاء الله.. مبروك..

بعدين جلس يتكلم عن البيت
يقول مكركب ومعفوس
الود ودي اخذكم اليوم
بس لازم انظفه اول
قلت: الله يقويك ماتقصر

قال طيب ايش رايك امركم ونطلع نتمشى
قلت اللي تشوفه
قال خلاص تجهزي المغرب
مع العيال او بدونهم.. نتسوق ونتعشى

ماطولت المكالمه
لا عاتبني ولا عاتبته
ولا ناقشني برسالتي ابدااااا
كان هاااادي ورسمي شووي
وانا برضو مثله


حبيت ابلغكم بمستجداتي قبل ارد عليكم

شفتي كيف الهداوة تحل كل شي؟

البعد نفعكم اثنيناتكم!

بس اعتقد انتي استفدتي أكثر،،

سبق وقلتلك انك فيك ثقة بالنفس لكن بطريقة تصل الى زوجك كالغرور والتكبر... زوجك كذا يشوفك يمكن اساسا لانه شايف مستواه اقل منك في بعض الأمور..

كوني له مثلما يحب.. وهو بيكون لك عسل.. شوية انكسار وضعف مطلوب وجميل في المرأة..

حتى لما نقدر نعمل شغلة غصبا عن الرجل.. نبين له اننا محتاجين اذنه ونتدلل عشان حضرته يعطي موافقة..

انتي لازلتي صغيرة وراح تكتشفي كل شي بنفسك مع الايام.. لذلك الناس هنا لما يكلموك اسمعي منهم لانهم كانو بعمرك وعاشوا مشاعرك لكن استفادو وبيعطوك الحل مسبقا لتفادي مشاكل كثيرة..

حافظي على زوجك صدقيني التعامل معه سهل وانتي تعلمين هذا الامر لكن عندك فكرة غلط عن التودد للرجل والانكسار امامه..

__________________
{قُلْ يَا عِبَادِيَ الَّذِينَ أَسْرَفُوا عَلَى أَنفُسِهِمْ لا تَقْنَطُوا مِن رَّحْمَةِ اللَّهِ إِنَّ اللَّهَ يَغْفِرُ الذُّنُوبَ جَمِيعًا إِنَّهُ هُوَ الْغَفُورُ الرَّحِيمُ}

صدق الله العظيم

الحمدلله شي طيب ، تصالحي مع زوجك واتركي الانتقام والعتاب مامنه فايده ، وحاولي لايجرك للمربع الاول انتي قلتي وانا قلت اتركي المهاترات ...!

__________________
رَبِّ أَعِنِّي وَلَا تُعِنْ عَلَيَّ، وَانْصُرْنِي وَلَا تَنْصُرْ عَلَيَّ، وَامْكُرْ لِي وَلَا تَمْكُرْ عَلَيَّ، وَاهْدِنِي وَيَسِّرِ الهُدَى إِلَيَّ، وَانْصُرْنِي عَلَى مَنْ بَغَى عَلَيَّ، رَبِّ اجْعَلْنِي لَكَ شَكَّارًا، لَكَ ذَكَّارًا، لَكَ رَهَّابًا، لَكَ مِطْوَاعًا، إِلَيْكَ مُخْبِتًا قَلْبِي