بعطيك تجربتي ممكن تفيدك
انا شخصيتي قياديه وعمليه
عند اهلي اخذه الامور على راحتي
والبيت انا ممشيته
والكل يثني علي والوالد يشجعني
بعد الزواج صراحه انصدمة مره
واتفاجاء ان زوجي يزعل مني
وانا مدري ايش السبب
واذا سالته عن السبب يقول راجعي كلامك
اسلوبك ينفع عند اهلك مووعندي
وانا اشوف اني ماقلت له شيء يزعل
مره كنا عند اهلي وهو بيخرج مع اخواني وقلتله يجيب لي شغله معاه
لما مشي قالتلي جدتي وش هالكلام مع زوجك زوجك مخير ماهو مسير
قلت جده كيف مافهمت
وشرحتها لي ان حياتك مع زوجك وطريقة طلباتك ماهي بالاوامر
تاخذين رايه مو تامرينه
وحياتك ببيت اهلك مو نفسها مع زوجك
صيري تحت جناحه
وولد الناس مااخذك عشان تامرين عليه
اخذك عشان تشاركينه
والله كلامها اثر فيني كثير
مع ان ماكنت اقصد ان اتامر عليه
بس كذا شخصيتي


زوجتك صدقني ماتبغا تتامر
ولاتمشيك على كيفها اووتعطيك اوامر
هي كذا شخصيتها
وانت تنضر لها بنضرة الاوامر
الشخصيه هذي تحب انك تكون واضح معها وتناقشها

وزوجتك تحتاج ان احد ينبها
على طريقة كلامها مع زوجها