|
|
01-10-2016, 08:38 PM
|
المشاركة الأصلية كتبت بواسطة Um Suhail
كبري عقلك يا ام روان ولا تتخذين اي ردة فعل لفعل زوجك ولا تكلمينه ولا تقولين له شيء
اهلك مو محتاجين لزوجك الحمد لله قطعهم او وصلهم اكيد كل اللي يبغونه راحتك معه حاليا استمري في توطيد علاقتكم مع بعض ،، فهميه نفسك الحلوة الطيبة اكثر واكثر حتى يترسخ في قناعته انك انسانه رائعه وليست مصطنعة لاحظت في اغلب مشاكلك انك تحطين راسك براس زوجك هو قطع عشان امي حظرته انا اقطع عشان امه صفت معه مع اني ارى امك اتخذت موقف مباشر تجاه بينما انه لم تتخذ شيء مباشر وكل اللي كان كلام منه ربما قاله حتى يعزز موقفه وهو مخالف للواقع ! معليش الحياة مو كذا ابدا ،، اذا بتتخذين ردات فعل دائما عشان تتساوون في الافعال فما راح تكسبين ابدا،، وبعدين اذا رماك في بيت اهلك والا طلقك لا قدر الله وراح وعاش حياته بتكتشفين انكم مو متساوين ابدا ،،، نصيحة لك ،، قبل ردة اي فعل فكري ايش مكاسبك وايش خسايرك قررتي تقطعين اهله كرده فعل ؟ ايش مكاسبك الشخصية والا على مستوى عيالك ؟ ايش خسائرك ؟ قارني بينهم ؟ وقرري اما تتخذين قرارت عشان زوجك عمل كذا معليش اختي انت تهدمين بيتك بيدك الناس الناحجة في حياتها تفكر قبل اي ردة فعل سواء كلمه والا فعل ايش المكاسب ايش الخساير ؟ ما تتصرف وفقا على افعال الاخرين تخيلي الزواج شركة بينك وبين زوجك كل زوج له اهداف من هذا الزواج وكل يسعى لتحقيق اهدافه ومو لازم الاهداف متطابقة انت اسعي لتحقيق اهدافك انت احسبي خسايرك وارباحك من كل فعل وخطوة مو عشان شريكيك عمل ردة فعل اقلده وانا ما ادري لا عن ارابحي ولا خسايري تلاقي زوجك حاسب مكاسبه وخسايره وانت لو عملت زيه ما راح توصلي لنتيجة مثله! |
01-10-2016, 08:51 PM
|
المشاركة الأصلية كتبت بواسطة روان .
يا الغاليه انا قلت فوره غضب وتروح
لكن ماراحت انا اجامل اهله واتودد لهم كني بنت من بناتهم وهو ساحب على اهلي ولاعامل لهم قيمه هالشي جارحني جدا محسسني اني ولاشي مع ذلك ولامره ناقشته صرت اختنق بالويك اند بسبب هالموضوع اليوم لمحت له بس وهو فهمني ورد بشكل جاف فقصرت الشر وسكت.. خفت يغلط بالكلام |
01-10-2016, 09:14 PM
|
المشاركة الأصلية كتبت بواسطة Um Suhail
وليش جارحك ؟ ليش محسسك ولا شيء ؟ قيمتك بتواصله مع اهلك ؟
معليش يحتاج تغيري قناعاتك مو متواصل مع اهلك اما انه زعلان منهم على ردة فعلهم او متفشل منهم ،، او يشوف انه الاحتكاك معهم ممكن يودي لمشاكل !! المهم انه شيء بين زوجك وبينهم وانت مالك دخل ! ولنفرض اسوا اسوا الاحتمالات يسوي كذا عشان يذلك ويجرحك ! لو قاطعتي اهله هل بيخس بنفس الاحساس ؟ هل بيقول احس اني ولا شيء عشان ما تواصل اهلي ؟ والا بيمسكها عليك ويقول حتى اهلي ما تواصلهم ويسويها قضيه ومشكله ويثبت رايه انه انت مغرورة !! نصيحة لك في كل حياتك الزوجية ،، قبل اي فعل تتخذينه فكري في اهدافك اولا ،، مكاسبك وخسايرك من فعلك هذا وقارنيها باهدافك مو تروحين تقلدين زوجك على اساس انه يبقكر زيك وبيحس بالغلط !! ابدا حصل شخصيا بين زوجي ووالدي خلاف استمر لسنوات ،، هدفي الاصلاح بينهم عشان عيالنا لما يكبرون يشوفون علاقة جيدة اروح عند ابوي اقول والله زوجي يمدح تربيتك صار يسوي كذا وكذا مع عياله لانه شاف نتيجة التربية كذا اروح عند زوجي اقول والله ابوي يثني على تربيتك ويقول الحمد لله وفقت بنتي في زواجها الان : افضل علاقة بين ابي وازواج بناته ،، ما اقول اصحاب لكن احتران وتقدير من الطرفين وراء الستاير : لا زوجي مدح تربيه ابوي ولا ابوي مدح تربية زوجي كله كلام من عندي حتى اصلح بينهم ! |
01-10-2016, 09:44 PM
|
المشاركة الأصلية كتبت بواسطة روان .
لا هو مو قاصد يذاني ويجرحني
ولاهي قصه متفشل منهم هو اكثر شايل على امي لانها عطته حظر وهالشي صدمه واحسه كرههاااااا علما بأن امي تصرفت من رأسها انا عرفت بعدين انها عملت حظر له هالشي خلى زوجي يحقد عليها حتى اسمها صار مايطيق يسمعه الاحظ هالشي اذا سولفت بنتي وانا امي تفدى عندي الكون باللي فيه فمتضايقه ومابيدي شي |
01-10-2016, 09:51 PM
|
المشاركة الأصلية كتبت بواسطة طمووحه
يحق له دام حظرته تراه وقتها ما طلقك علشان تروح امك تحظره!
المفروض انها امراة كبيره وعاقله خلاص تطلع من مشاكلكم وتترك الباب مفتوح لو حب يستنجد فيها اما تروح تحظره قفلتوا الابواب كلها بوجهه! الخلاصه معه حق وانا لو كنت مكان بزعل منها وانتي لا تفسرين على كيفك متضايق من تصرفها مو معناته يكرها واذا كرها خير ان شاء الله بتخلينه يحبها غصب والا بينقص من امك شي لو كرها او بيزيد شي لو حبها؟! يا بنت الناس عيشي مره بفكر صافي وقلب ابيض وبدون تحليلات على كيفك لتصرفات زوجك بدات اشوف انه طيب ومن بداية زواجكم مو الحين تعدل زي ما تحسبي انتي لكن انتي اللي غيرتيه للاسوا |
01-10-2016, 10:05 PM
|
المشاركة الأصلية كتبت بواسطة روان .
امي غلطت بتصرفها
ما انكر هالشي واندفعت الله يحفظها اذا انا صاحبه الشأن ماحظرته بس عاد صار اللي صار مو منطقي يقطع وحده كبيره بالسن ام زوجته وجده اولاده لو لي خاطر جاملها بكلمتين ماراح ينقص من قدره شي وتقولي غيرته للاسوا لا والله هو تغير للاحسن معي وقلت بموضوعي معيشني ملكه وصار لاصق فيني طول الوقت ويدور سعادتي بكل طاقته لكن قلب على اهلي يارب مشكلتي اوضحت لكم |
01-10-2016, 10:08 PM
|
المشاركة الأصلية كتبت بواسطة Um Suhail
هذه المشكلة انك مو متفهمه ابدا مشاعر زوجك
هو بني ادمي من حقه يعبر عن زعله بأي طريقة طالما ما فيها تعدي تفهمي ردات فعل زوجك ولو له خاطر عندك كان انت اول وحدة تفهمتي ردة فعله وزعله !! وما فيه مشكلة ولا شيء هو قاعد يعبر عن زعله وانت ما تبغين يعبر عن زعله ،، تبغين يفكر في خاطرك اول قبل خاطره |
01-10-2016, 09:45 PM
|
المشاركة الأصلية كتبت بواسطة روان .
لا هو مو قاصد يذاني ويجرحني
ولاهي قصه متفشل منهم هو اكثر شايل على امي لانها عطته حظر وهالشي صدمه واحسه كرههاااااا علما بأن امي تصرفت من رأسها انا عرفت بعدين انها عملت حظر له هالشي خلى زوجي يحقد عليها حتى اسمها صار مايطيق يسمعه الاحظ هالشي اذا سولفت بنتي وانا امي تفدى عندي الكون باللي فيه فمتضايقه ومابيدي شي |
01-10-2016, 09:54 PM
|
المشاركة الأصلية كتبت بواسطة Um Suhail
بيدك الكثير لتقريب وجهات النظر واعادة المياه لمجاريها
كون امك تسوى الكون كله عندك وهذا حقك ... تفهمي مشاعر زوجك تجاه امك حتى وان كانت مو مثالية لكن ارى انه معذور هو لم يقطعك عن اهلك ولم يعتدي عليهم بالكلام او ينتقص من حقهم امامك لكن ارى ان تكون اولوياتك مرتبة استقرار حياتك مع زوجك اولى من مصالحة امك وزوجك اخريها لمرحلة اخرى خلي عندك اولويات في حياتك واهداف تمشين عليها مو كل شيء نبغاه نسعى له في اي وقت والا نتحسف على عدم وجوده خلي خطواتك مدروسة ولا تخربطين عقلك باشياء انا اشوفها ثانويه صراحة بالنسبة لاستقرارك مع زوجك |
01-10-2016, 10:20 PM
|
المشاركة الأصلية كتبت بواسطة روان .
طيب يا ام سهيل
انتي قبل شوي تتكلمي عن المكاسب والخسائر يعني زوجي حسبها وشاف هو مو كسبان من وصل اهلي طيب حتى انا مو كسبانه من وصل اهله اذا الفكره ربح وخساره الا بالعكس اخسر وقتي وروقاني واضيع يوم بالويك اند ممكن اتفسح فيه او استرخي بدل زيارتهم لكني عارفه ان هذي اصول صعب اتجاوزها |
| مواقع النشر |
ضوابط المشاركة
|
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك
BB code متاحة
الابتسامات متاحة
كود [IMG] متاحة
كود HTML معطلة
|
العرض المتطور