انا امامك حبيبتي وبضبط نفس طليقي لكن اطلقت طلقه
مع ان حرمونيه منه مرتين وفي كل مره يتعهد ويخيب وبعد
م طلق استمر فتره في هذا الدرب ، بضبط ي حبيبتي الي تحسين
فيه احس فيه وتقريبا نفس مده زواجي وزواجك (مع الملكه ) يوم
اعدد محاسنه ما فيه غير حنيته وطيبته و الي ابغاه يعطيني ياه

لكن بجد لو رجعنا للماضي وقارنناه بحياتنا الحاليه شو من السلبيات وشو من
عوار القلب و الهمموم الي كنا فيها
تعالي نتخيل يوم واحد فقط

اذا كان متعاطي مش تارك
الصبح ما يقوم تحاولي فيه لين م تلوع كبدك وهو على نفس الحاله
انتي تخافي وتفكري بمستقبلكم واهو لا همه ! في هذه اللحظه لو
حصل حادث لنا لا سمح الله طحنا وانشق جزء من جسدنا لو قومناه من النوم
حيقوم ؟ والله لو يحترق البيت ما حس
الدوام يرسلون له تنبيهات
بعديها شو يقضي يومه ؟ افلام اباحيه ، تدخين ، اخلاق زباله مع الي حوله
صحيح مش معاي لكن معا الي يحوله مثال في السوق يسب العمال او غيره
ما تنحرجي ؟ يطلع بشكل قذر ما تستحي احد يشوفه من اهلك والله كنت استحي
ع اني انظف واكوي لكن يصر على نفس الكندوره الي مبقعه و مخبقه ! !
فليل ايش ؟ ياخذ الي يبغاه منك واعز الله مثل الحيوانات !! للاسف
وحياتك كلها خوف لو احد مسكه يعني سجن وانتي تنرمين معلقه لا مطلقه ولا متزوجه
ممكن بدون شعور يخنقك او يعتدي عليك مثل الي حصل معاي ويوم قتله ثاني
يوم بكا وسكت !! لان بدون شعور !
طلعاتك محسوبه وياله ياله تقضين الي تبغينه نص ساعه وكلها مكالمات و يبغونه
نص ساعه او ساعه وترجعي البيت وهو يرجع يطلع بروحه
تخافين ان وينه تحاتينه موجود صاحي اعتدى على حد او احد اعتدى عليه طلعاتك تحسينها
مراقبه من احد !
ان رجع كانه بيبي تغسلين وتمشينه واهو ولا حاس والله معاناه

في حال تاب (ويارب تهدي شباب المسلمين وتجعل كيد الخونه في نحورهم
وتهديهم هدايه نصوحه وتقوي رجال الامن يارب )
حياتك كلها شك من بدايتها الصبح تفكري هل بيداوم او لا ؟ هل صادق فكلامه
خرجاته تحسبينه وتترقبين مكالماته و عودته ! صح او لا و الله هذا الي كنت احس فيه
خايفه عليه خايفه ان يغونه خايفه ان يعتدون عليه ! ملابسه تتشمينها جواله تتبعينه
ادورين على خيط يريحك !

لكن حاليا واقولك ياها ابكي كل يوم والله مكسوره داخليا ، لكن من ناحيه الهموم الحمدلله
صحيح احاتيه وافكر فيه هل صاحي او لا هل بعده يتعاطي او لا لكن فرق شاسع بين حياتي
معاه وبدونه ! وانا نفسك ووربي بكل دقيقه احنه واتوقع اهو كذلك بكل دقيقه يحن لي
لكن ! اهو الي خرب علينا نحنا نستحق رجال يحطونا على روسهم رجال يعفون نفسهم ! رجال
يتحملون المسووليه !
تتخيلين طالبه جامعيه ترد البيت تسوي كل شي ! وفوق هذا يلومنونها اهل الزوج ؟ ان م صبرت
اخر شي وخبرت ابوها ! انا اسهر وادرس واطبخ واحاتي واسال عنه وانتظره قسم بالله اجلس
بجانب الشباك انتظر سيارته عشان ارتاح و بالاخير هذا الرد الله يسامحهم بس !


حبيبتي لازم نقوي قلبنا ولو فيه خير ربي ح يكتب لنا ! وصدقنيني لو يبغونا ل يسو
الغالي والنفيس عشانا ليتعالجو ونحنا موجودين فبيت اهلينا ! يدلون الدرب اما ان يكلمك
فالتلفون (لو ما اقولك تعمليها ) ارفضي رفض قاطع يدل بابا البيت ويطلب ايدك من
ابوك ، وعشان تريحي ضميرك اعطيه سنه وانتظريه هل يرجعك ! ؟ وبعديها خلاص انسيه منها
تنسين الماضي و تبدين صفحه جديده وما تحسين بالذنب في هذا الطلاق و انا بصراحه متبعه
هالاسلوب ويارب يقويني سنه كامله من بعد العده و الحين مر تقريبا 3 شهور و لا حاول في ابوي
الا مره وحده معقوله ! ان يحبني ! مجرد حنين وذكرريات وتعود ! دخل يتعالج ! مثل م سمح وقضا وقته
يتعلم يتعاطي بعد لازم يقضي وقته مع مرشد يعالجه !
ونفسي مع اهلي يوم ابكي يقولون لي ليش تبيكين ما يستاهل دمعه من عينك و اهم رافضين رجوعي
ابوي يقولي الحين القبول والرفض بيدي مستحيل ارجعك له !

ويارب انك تهون علينا مصابنا و تعوضنا وتكتب لنا الخير وين ما كان وترضينا