مسا الخيرات والمسرات لجميلات الكوفي العسولات 😙😙😙😙

يعطيكي الف عافية حبي مهرة والله يخليكي بصحتك وقوتك

بتعرفي وقت احضر روبرتاج او برنامج عن معاملة بعض الناس ببلدي للعاملات بفوقية بقول مين هيدول ليشوفوا حالهن على عبيد ربنا وبالعكس ما بشوفهن كلاس ولا بيعرفوا شي بالانسانية

بس عندنا جارة مستحيل انساها من انا وبعمر المراهقة جابولها اولادها عاملة كون اغلبهم مسافرين والبيت كبير طابقين وهيي كبيرة بالعمر
وعندها زوجة ابن ساكنة فوقهن
فكنت شوف المرأة الكبيرة مع زوجة ابنها تنزل تساعد العاملة بشغل البيت وزوجة الابن كانت اللي تطبخ ووقت كانوا يقعدوا عند العصر عالتراس يتحلوا تجلس معهن ووقت نزورهم كانت تجلس معنا العاملة ونمزح معها وكأنها من اصحاب البيت

وفي اهل زوجة اخي عندهن عاملة وقت تكون زوجة اخي تعبانة او مريضة كانت تجي العاملة معها عالبيت لتساعدها بالبيت
ومن تلات سنين وقت كنت بلبنان هالشي صار قدامي والله شاهد على كلامي
بأغلب الاوقات ولحد الآن ماما بس تعمل غداء او عشا بتنادي لزوجة اخي كرمال تنزل تاكل
ووقت تكون العاملة عند زوجة اخي كانت تنزل معها وتجلس معنا على نفس السفرة وتاكل معنا ونسهر نحن وياها ونضحك معها وحتى ما نخليها تجلي بعد العشا تقوم اختي الصغيرة تجلي
لانها عاملة عند اهل زوجة اخي واجت لتساعدها فقط مش لتكون عاملة 24/24
حتى اذا خرجوا على مطعم بتجلس معهن على نفس الطاولة

وبس شوف نماذج هيك كيف بيعاملوا العاملة على انها انسان برفع القبعة الهم تقديرا واحتراما

وبس شوفك مهرة او اشراقة كيف بتحكوا عن العاملات عندكن
بتخلوني شوف ئديش انكن اصحاب قلوب طيبة وضمير حي واخلاق عالية ربي يحميكن
حتى الحبيبة سقيا ربي يحميها ويسعدها وين ما كانت مع كل تعبها الصحي بتحاول تشارك العاملة بأمور البيت وبتعاملها كفرد من افراده


الله يكتر من امثالكم ويزيدكن من نعمه

__________________





اللهم إني أستودعك ديني و نفسي وأهلي وزوجي
وأولادي وأحبتي فاحفظهم يا من لا تضيع ودائعه