للأسف هذي الحقيقة انه فعلا تأثرت ثقتي بنفسي ...مرة انلميتد قالت لي انه المشكلة في شخصيتك انتي وليس في زواجه ...وانا اقول الماضي له دور ...دائما جماعتنا كانوا يحسسوني اني مميزة رغم سمنتي ...كثرة الخطاب ايضا ...الحمدالله في مدرستي وفي اي مكان أشعر باحترام الناس ...لما دخلت عنده مادري ليش كسر نفسي وساعده على ذلك سمنتي ونفسيتي الحساسة اللي تتأثر بكل ماحولها ...وقفت امامه مدافعه عن نفسي واسلوبي ولكن خاوية من الداخل .....امتداحه المبالغ لبنات منطقته وشطارتهم وللأمانة معروفين بهالشيء ....كسرني من الداخل ...كسر ثقتي جالسة اقارن نفسي فيها بكل شيء ...يمكن كنت مستمدة ثقتي من اللي حولي مش نابعه من نفسي عشان كذا تأثرت
اللي متأكدة منه لو اوثق بنفسي حقيقة راح اعيش وراح اكسبه وراح انسى وجود امرأة ثانية بحياته ...بس للأسف ماقدرت


تدري يالوفتي كرهت طولي وانا 159 وهو تقريبا 172لانها اقصر مني وانحف فصرت اقول انا طويلة بجنبه مايحس بأنوثتي زي معاها لانها مقاسا وحجما اصغر منه وبحثت بالنت ولقيت الرجال يمتدحون القصيرة صرت اكره اطلع معاه سوق او مركز او حتى اتصور معاه ...انا ماأقدر البس مرتفع عشان ماأصير طوله بعكسها لو لبست راح تظل اقل منه ...كل ماركبت السيارة وهي ركبت قبلي اعرف لانها تقدم المرتبه بشكل كبييير جدا بين انا اظطر ترجعها للخلف عشان اكون انا وزوجي بمستوى واحد ....اختي تقولي المفروض هي تغار من طولك بس الحاصل العكس حتى طولي اللي كنت شايفه انه حلو ومناسب صرت اكرهه ...