اولا حبيبتي اشكرك على ردك
وبخصوص الثقل انا من اول ماطلعت من عدتي
قطعت نفسي عنه نهائيا لاني خرجت من ذمته
فقط هالرساله اللي ارسلتها له
وكل مراسلتنا فقط تدور حول خصوصيات الولد
وبكل رسميه لان الان بالنسبه لي فقط اب لولدي
ومستحيل بسوي شي يغضب الله
لأن الان يعتبر رجل غريب علي وليس من محارمي

وبخصوص الدكتوره النفسيه لاهو عيب ولاحرام
بالعكس شي جميل
ولكن انا غير مقتنعه فيهم نهائيا
لأن عندي رب العالمين هو الوحيد القادر على كل شي
وهو اللي بيده سبحانه الراحه والسكينه والعلاج
و الدكاتره النفسيين الاغلبيه يمرضون بدال مايعالجون
وصح اللي مريت فيه صدمه بالنسبه لي
ومستحيل بقدر اتخطاها بسهوله
والحمدلله لو ربي مايحبني
مابتلاني بهالشي
واسأل الله العلي العظيم انه يحتسبني من الصابرين
ويعظم اجري على كل اللي جاني منه ومريت فيه
والأكتئاب اسأل الله ان يشفي كل مريض مبتلى به
بس الحمدلله من فضل ربي
انا موظفه ومتفوقه بعملي ماشاءالله تبارك الله
وقايمه بكل واجبات ولدي
واحاول قد مااقدر اجعله من المتفوقين ماشاءالله
والله يقدرني ويساعدني على هالشيء
ولكن مايمنع كأنسانه عاشت سنين مع رجل
وعشقته وحبته وانصدمت وانجرحت منه
ان تمر بأوقات ضعف وحنين وشوق لهذا الرجل
اتوقع هذا الطبيعي
والشخص المكتئب هو اللي تكون نظرته للحياه سوداء
ولافيه اي تطورات بحياته
ولا عنده اهداف ولا طموحات
وانا الحمدلله من فضل ربي بعيده كل البعد عن هالنظره
وراضيه بقضاء الله وقدره
واحمده واشكره على كل ماكتبه واختاره لي

واكتب بهالمنتدى عشان افرغ الطاقات السلبية اللي فيني
وافضفض لغرباء منها ارتاح
ومنها شوي شوي يطيب جرحي بأذن الله

__________________
أم لأجمل طفل 👦🏻
ماشاءالله لاحول ولاقوة إلا بالله
اللهم متعني ببره في حياتي