إنت أدرى بزوجك ممكن يستغلك أو يقدرك.
إذا تتوقعي يستغلك ويرمي تدريجياً كل شي أو أغلب المسؤوليات عليك خلي فلوسك في جيبك عشان ماتندمي ولا تمني عليه في يوم من الأيام.

بشكل عام لا تعط إلا وأنت مقتنعة وراضية وبمحبة ورضا ولا تنتظري مقابل وإلا احتفظي بفلوسك عشان ما تصابي بإحباط وخيبة أمل..

اختي الاخت تقول كماليات يعني مو واجب على الزوج
وين الاستغلال في الموضوع؟


اختي نرجسيه اذا انك تقدرين تساعدين الله يقويك في النهايه هذا بيتك
ولاتنتظري ان زوجك يسوي كل شي بخاطرك فـ بادري الله يوفقك ولو بمبلغ بسيط مثل ماقلتي وشوي شوي راح يكون جمعتوا مبلغ تقدرون تغطين كل الكماليات اللي نفسك فيها

انا مثلي مثل باقي الحريم اللي زوجها يغير لها الدهان ويغير المجلس ويجيب ادوات المطبخ الكمالية انا جبت وجبت بس ما ابغاه يتعود

انا ما اكلف عليه باحتياجاتي بس ما ابغى اشيل هم الكماليات وحدي ابغى اطلب بجرأة وقوة وما اشيل هم المماطل او التحايل لانه مو اسلوبي

كيف وضع زوجكِ المادي إجمالاً؟

ومن الذي سيتكفّل بإيجار الشقة الجديدة؟ .. وهل الزيادة في الإيجار ستكون كبيرة؟

__________________


اللهم طِيبَ الأثر .. وحُسْنَ الرحيل.

راتبه جيد بس عليه قروض باقي ما انتهت والتزامات مع اهله
الاجار هو حيتكفل به الزيادة حول 700ريال بس لازم ننقل لان شقتنا ضيقه بالنسبه لنا
ممكن ادفع معه 500 لمدة سنة يخلص القروض بس استمر فالدفع لا

طيب يا نرجسية .. ما دام هو قائم بالضروريات ولا يقصر في مصروف البيت كما قلتِ .. ويدفع الإيجار الذي سيزيد بعد انتقالكم إلى الشقة الجديدة .. بالإضافة إلى ديونه والتزاماته تجاه أهله .. فطبيعي ألا يهتم كثيراً لمسألة الكماليات .. ومتوقع ألا يتمكن من تأمينها كما ترغبين .. خاصةً إن كان هو الذي طلب مساهمتكِ في دفع الـ 500.

يعني حتى لو اقتنع بالكماليات .. ربما لا يتمكن من تأمين أثمانها بسبب التزاماته الضرورية الأخرى.


ما رأيكِ؟

__________________


اللهم طِيبَ الأثر .. وحُسْنَ الرحيل.

ما طلب مساهمتي بس لو قلي حاليا ما اقدر ورفض ممكن ادفع مؤقتا لكن مو على طول
يحاول يرتب اموره المالية يعني الباقين زوحاتهم ماهم موظفات وعنهم اجار وصرفيه وكماليات صحيح مو ضرورية بس الواحد ما يعيش على الضروريات بس

من تجربتي وتجربة كثيرين تبدأ الزوجة بكماليات ثم تدريجياً تكتشف أنها تورطت بأساسيات ويصير الزوج شعاره ماعندي وهي اللي مو واجب عليها يصير من واجباتها وفوقه جحود ونكران ولا شكر ولا تقدير .. وتتحول الحياة من مشاركة إلى استبداد وظلم..

أختي إنت أدرى بموية زوجك وإلى أي طينة ينتمي .. وترى ليالي العيد تبان من عصاريها.

يساهم فالكماليات هو احسن من غيره ماهو ملزوم بمصروف للزوجة يعني مرتاح من هالناحية

اختي الوحده تطالب بالشكر لما تشيل شي واجب على زوجها وتتكفل فيه نعم تشكر عليه
ولكن اذا شي انا ماني شايفه مهم ولا هو من الواجبات اللي علي
فـ وقتها الزوجه لها الخيار اذا تبي هالشي الله يقويها تشتريه
اما انها تفرض على الرجال شي وهو عليه ديون والتزامات اولى فـ هذا مو منطق