مازلت اشوفك متسرع وتمشي بخطوات الزواج ودائما هالخطوات ماتكون انت من سعى فيها
يا اخوك يا صديقك هو اللي يحفزك ثم ماينقرص إلا أنت وعيالك
والزواج من غير بلدك له اضراره وسبق قلت لك بتلقى من ترفض عيالك ومن ترضى بشروط ومن تقول لك بحطهم بعيوني

جبت خدامة هذا شي طيب غسيل الملابس وترتيب البيت وهذا شي طيب
مدرس خصوصي ليه ؟ والله ماتحتاجه

اتذكر بداية انفصالي عن أم عيالي تعبت مع الاولاد - اروشهم - واطبخ لهم - وادرسهم -وانومهم إلى درجة اني قربت احس بلحظة بنفجر
استقرت الأمور ونظمت حياتي وقررت اتزوج
ولقيت بنت الحلال
مااخفي عليك أمور كثيرة تجهلها عن الاولاد وماتسويها واتضايق بس اتذكر ان مالها ذنب ولا عندها خبرة واعذرها
وأمور كثيرة تسويها بعفوية مع عيالي تطلعها بعيني فوق النجوم واشكرها بطريقتي
بكل الاحوال اقترح ان تأجل الموضوع إلى أن تقرر انت من نفسك انك تبي تتزوج بدون الفزعات والمجاملات اخوك بوقت ماانت متبهذل بعيالك مابين فجأه همه مصلحتك ولقى لك زوجة اسف لا اقصد الاهانه للعلاقة الأخوية لكن اجعل القرار قرارك وبوقتك انت ولا تسمع لا لمدح اخوك ولا اختك ولا صديقك اسمع منها هي وقت النظرة واطرح الأسئلة الذكية عن حياتكم بعد الزواج وبوجود أبنائك
آخر نصيحه للي بيتزوج من زوجة ماعندها اطفال ستغار من اهتمامك الزائد باطفالك وتشتكي الإهمال فاصبر معها فهي لم تجرب الأمومة بعد