لاحظت ان ماعندك دافع قوي للعرس بس على قولة اجرب واشوفها !
الزواج بالذات اذا مافيه دافع قوي له لاتقرره وخصوصا انك مرتاح اللحين وتمر بأحمل فترات حياتك يعني لنفسك عليك حق ياخي خذ فترة استجم مع نفسك خلها استرخاء وترويق وصفاء ذهني مو لازم تدخل على طول في معمعات ثانيه


اما بخصوص الجنسيه مو مهم اجدادها وش يرجعون !
المهم هي نفسها الآن كيف ؟
نفس عاداتنا وتقاليدنا وأعرافنا نفس تكافؤ البيئة و و و
وبعدين مو شرط عشانهم مايتشرطون اللحين ويشترون الرجال انها بتصير رائعه معك ومع عيالك بعدين ؟؟؟؟ يمكن بعد العرس تتغير الشخصيات
بتحصل في البلد مطلقات وأرامل وبنات من ببيوت محترمة تحطك وتحط عيالك في عينها

__________________
﴿رَبِّ إِنِّي لِمَا أَنْزَلْتَ إِلَيَّ مِنْ خَيْرٍ فَقِيرٌ﴾

‏هُنا دلال ، حيثُ نجد وحيثُ الشمال

اخوي

تمر بأحلى ايام حياتك .. لا تكون لا سمح الله
هل متواصل مع الحرمه هذيك !
مجرد فضول

و كويس انك مهتم في اولادك و حريص عليهم

و مافيها شي لو رحت للنظره الشرعيه
يمكن ترتاح لها. ؟

ما فهمت .. كيف مم قبايل نجد المعروووووفه !! وجنسيتها سوريه ؟؟


أجل الفكره قليلا واستمتع برااحتك .. وشوف ايضااا غيرها

__________________
أعلل النفس بالآمال ارقبها .. ما أضيق العيش لولا فسحة الأمل

والله انا من رأيي توكل على الله وتزوج

ومن بعض ردودك ومواضيعك أحسك فعلا محتاج تتزوج

وأفضل لك ولعيالك الزواج اسأل الله ان يسخر لك الزوجه الصالحه

مع تحفظي طبعا بخصوص اختلاف الجنسيه

ولكن أفضل لو تتزوج من بلدك ونفس عاداتك وتقاليدك

وبخصوص انه بنات هاليومين ماتتحمل تربي عيال زوجها


أولا أطفال وتؤجر إن شاءالله إذا أحسنت إليهم
وثانيا عيال زوجها لابد بيكونون مثل عيالها
فكيف ماتقدر تتحمل مسؤليتهم!!

وماشاءالله يعجبني فيك أصرارك على حرصك وأهتمامك بعيالك
حتى بأختيار الزوجه والله نادر الرجال اللي كِذا
جعل ربي يسخرك لهم وتشوفهم بأعلى المناصب
ويسخر لك الزوجه إللي تخاف الله فيك وفي عيالك

ودائما وكل أمرك إلى الله هو القادر على أن يسهل جميع أمورك

__________________
أم لأجمل طفل 👦🏻
ماشاءالله لاحول ولاقوة إلا بالله
اللهم متعني ببره في حياتي

مازلت اشوفك متسرع وتمشي بخطوات الزواج ودائما هالخطوات ماتكون انت من سعى فيها
يا اخوك يا صديقك هو اللي يحفزك ثم ماينقرص إلا أنت وعيالك
والزواج من غير بلدك له اضراره وسبق قلت لك بتلقى من ترفض عيالك ومن ترضى بشروط ومن تقول لك بحطهم بعيوني

جبت خدامة هذا شي طيب غسيل الملابس وترتيب البيت وهذا شي طيب
مدرس خصوصي ليه ؟ والله ماتحتاجه

اتذكر بداية انفصالي عن أم عيالي تعبت مع الاولاد - اروشهم - واطبخ لهم - وادرسهم -وانومهم إلى درجة اني قربت احس بلحظة بنفجر
استقرت الأمور ونظمت حياتي وقررت اتزوج
ولقيت بنت الحلال
مااخفي عليك أمور كثيرة تجهلها عن الاولاد وماتسويها واتضايق بس اتذكر ان مالها ذنب ولا عندها خبرة واعذرها
وأمور كثيرة تسويها بعفوية مع عيالي تطلعها بعيني فوق النجوم واشكرها بطريقتي
بكل الاحوال اقترح ان تأجل الموضوع إلى أن تقرر انت من نفسك انك تبي تتزوج بدون الفزعات والمجاملات اخوك بوقت ماانت متبهذل بعيالك مابين فجأه همه مصلحتك ولقى لك زوجة اسف لا اقصد الاهانه للعلاقة الأخوية لكن اجعل القرار قرارك وبوقتك انت ولا تسمع لا لمدح اخوك ولا اختك ولا صديقك اسمع منها هي وقت النظرة واطرح الأسئلة الذكية عن حياتكم بعد الزواج وبوجود أبنائك
آخر نصيحه للي بيتزوج من زوجة ماعندها اطفال ستغار من اهتمامك الزائد باطفالك وتشتكي الإهمال فاصبر معها فهي لم تجرب الأمومة بعد

الله يكتب لك الي فيه الخير

الله بيعوضك عن كل لحظة قهر وتعب مريت فيها لاكن اصبر
والحمدلله ان امورك بدأت تزين ورتبت امورك

الله يرزقك الزوجة الي تعيش معها احلا سنين عمرك وتكون حنونه على عيالك وتخاف الله فيهم

لاكن عندي سؤال هل اولادك يزورون امهم ولاتنازلت عنهم ؟

يوم انك مرتاح لهذي الدرجة ليش مستعجل؟!

تريث تريث تريث!!!

اخوي مثل ماقالت مبتعثة انت قاعد تعيد غلط زواجك الثاني

احد يدفك على عروسة وتقدم على الزواج لمجرد انها متوفرة!

اللي تقول لك مالي دخل بعيالك اهون بمليون مرة من اللي تقول بحطهم بعيوني وتفجعك مثل مافجعتك طليقتك!

ولاحقا حتى لو ماتم اللي تبيه من ناحية عيالك كرعاية واهتمام لكنها ما اذتهم.. ماتقدر تحاسب لانها مش امهم اولا واخيرا..

اختار لك زوجة تناسبك "خطين تحت تناسبك" خلوقة ومحترمة بالدرجة الاولى.. عشان اذا ما عملت لعيالك اللي انت تتمناه.. بالقليل ماتاذيهم وكثر الله خيرها

__________________

اختلافي عنك لا يعني اختلافي معك

اختي مااحد يحركني
ولكن نظام الزواج هو كذا
يعني مافيه مجال ان الواحد هو يختار اللي يبي يتزوجها بنفسه مثل البلدان الثانيه
فـ يكون الزواج عن طريق الاهل او احد يذكر لي بنت معينه هو يعرفهم
اما المجامله ابدا مااجامل
انا شفت كذا وحده ولما مااعجبتني ماجاملت انسحبت

هذا اللي فكرت فيه
قلت يمكن اذا شفتها تتغير حساباتي كلها
واذا مااعجبتني ماني خسران شي

انت منت خسران لكن البنت تتاثر نفسيتها
كذا وحده شفت وانسحبت ؟؟؟ يعنى ايش
الشوفه الشرعية مو كدا
ماتشوفها الا ان غلب على ظنك انك بتتزوجها
الله يكتب لك الخيره المباركه