كلامي لك ماله علاقه بالاستقلال والنديه
ولا طلبت منك تعصبي ولا شيء
ارجعي اقرأيه بهدوء
وبتفهمي قصدي

اخر فقره من ردك اساس المشكلة
تقولي انه عارف ان نفسك بسفرة
زوجك عارف مفاتيحك
وقادر يساومك او يضغط عليك فيها

ارجعي لرد احد الاعضاء
هل السفر اهم ام فقدان الاحترام؟
طبعا الثانية
ولو كان تركيزك على وضع معايير
وفرض الاحترام بينكم
كان نظرته لك تغيرت
بعدها هو اللي بيعرض عليك
سواء سفر او غيره

لما قلت لك عزي نفسك
قصدت تحشمي نفسك عن الصدام
وتسول وشحذ امور نفسك فيها
كل ماطلبتي منه كل ماعند اكثر
صار يستمتع بالرفض
ومن داخله يحس انك ماتستاهلي
والركض وراه وهو مسافر بيعزز هالنقطه
وبيعتقد ان ماينفع معك الا هالاسلوب

فالافضل تكوني على طبيعتك
مو مضطرة لاصطناع الشوق واللهفه
خليك راكزه وهاديه زي ماقلت بردي السابق

لا تتصنعي الهدوء وداخلك نار تغلي
لازم فعلا تطردي الافكار السلبية
حتى ترتاحي

تعلمي فن التسليم
اوزني انفعالاتك
مارسي تمارين التنفس
كثري من التأمل
اختلطي بالناس اكثر
ابحثي عن حلول عميقة وداخلية مو وقتية
صعب تغيري زوجك
بس اذا غيرتي نفسك بيتغير