يا صباح الاربعاء الانيس قبل يوم الخميس الونيس
يا صباح السعد والامل والتفاؤل لاحلى صبايا بالكوفي😚😚

عزيزتي الحياة امل وصبر ربي يسعدك دنيا وآخرة وما تشوفي الا الفرح مرافقك كل عمرك ⚘⚘⚘

ربي يحميها للمهرة القمورة ويجعلها بأعلى المراتب في الدنيا والآخرة
ما بعرف ليش البنات هالقد شطورات وبيسمعوا الكلمة وكمان الحنية فايضة عندهم
قبل البارحة ميامين قالتلي ماما ما بدي اكبر قلتلها ليش قال ما بدي ابقى لوحدي بس الله يأمر انك تموتي انا بدي موت معك وبعد شوي بتقلي انا رح تدمع عيني عليك وبطلع فيها والا الدمعة واقفة بعينها يا الله منا موقف حطمتلي قلبي 😓😓😓😓


هلئ بنخلص من الدراما بنجي للفرفشة شوي😊😊😊😊

الخبر بعده طازة مباشر من قلب الحدث
طبعا متل العادي كل يوم الصبح بنكون في سباق مع بعض 🏃🏃🏃ولا حتى الماراثون غير الحوادث اللي بتصير 🤗🤗🤗🤗

واليوم ديان عنده سباحة فما بيروح دغري عالمدرسة فزوجي بياخده عالمسبح دغري 🏊🏊
وبالرغم من اني بضل وراهن ما ينسوا شي وكل شي بالشنط
ومن بعد ما راح ابني سجاد وميامين عالمدرسة
ونزل ديان وبدخل غرفة الاولاد بلاقي على مكتب سجاد ناسي المقلمة وورقة لازم امضيها مرسوم عليها وجوه عم تضحك مكتوب فيها انو دايما ما بينسى وظايفه ومنظم
فقلت بقلبي اكيد انصاب بالعين ابني😄😄😄 ايه هلئ نسي المقلمة والورقة

بضهر عالبرندة وبقول لديان تعا خود هودي معك وخلي البابا يعطيهن لسجاد بس يوصلك
فبرميهن عن البرندة وبفوت وبدي قفل الباب الرئيسي واذ بلاقي شنطة ديان تعول السباحة بالارض
متل الصاروخ بضهر عالبرندة بيكون زوجي جاب السيارة و ديان طلع بالسيارة وبدو يسكر الباب بصرخ بأعلى صوتي ديان شنطة السباحة بينزل بياخدها وبيقلي شكرا ماما وبدخل انا لجوا وبصير اتفقد اذا بعد ناسيين شي لانو شكلو اليوم يوم النسيان العالمي

لازم كون دايما متل برج المراقبة

فهلئ انسدحت على رأي اخوانا الخليجيين وبدها شي يروق الاعصاب ورح اشربلي فنجان كابتشينو ☕
وهيدا بداية النهار الله يستر من الباقي

سمو نورتي الكوفي يا عسل

باقي الصبايا كيفكن يا عسولات

__________________





اللهم إني أستودعك ديني و نفسي وأهلي وزوجي
وأولادي وأحبتي فاحفظهم يا من لا تضيع ودائعه