والله يا صاحبي ,,

رجعت وقرأت الموضوع والردود وما عرفت مشكلتك ,, وما عرفت أنت وش تبغى أساسا ,,

اللي عرفته ,, إن جالس تتوقع ,, وتحلل ,, وتفسر على مزاجك ,,

لو رحت ما راح يستقبلوني ,, ليش سوت كذا وما ترد ,, طيب ليش تتوقع أبوها ما يرد ,, أبغى أعرف ليش سوت كذا السبب فيني ولا لا ,, يمكن هي ما تبغاني ,,

شوف يا سيدي ,,

أسباب عدم ردها هي وأبوها على اتصالاتك ,, ما نعرفها زيك !! تبغانا نحط أسباب من رأسنا راح نحط ,, بس تأكد إنه راح يخليك في دائرة تفكير لا خروج منها ,, تبغانا نقول لك ليش قرأت رسائلك وما ردت عليك ,, راح نجيب لك أسباب زي الرز ,, ونخليك في دوامة تفكير ثانية ,,

أخي الكريم ,, حكم عقلك ,, هو اللي راح يريحك ,, واسمع مني ,,
1 / أنت ما جاء منك خطأ كبير عشان تخاف ,,
2 / ما قصرت مع البنت ماليا وما قصرت معها نفسيا وماقصرت معها اجتماعيا بل حتى أهديت لصديقاتها ,,

مشكلتك الأساسية في شخصيتك ,, وحتى لو رجعت زوجتك ,, واستمريت بنفس الأسلوب معها راح يستمر الوضع فــ لازم تتعلم مهارتين ( اطلب ولا تتردد ,, و تعلم أن تقول لا ) ,, اقرأ عنها زين ,,

الآن المهم مو شخصيتك وكيفية تحسينها ,, المهم إن الموضوع ما يكبر ,, وما دام إنك تواصلت مع أخوها ,, انتظر منه يرد عليك ,, إذا ما طلعت منه بنتيجة ,, لا ترجع تزيد مساحة التفكير ,, أول شيء هي ما ردت بعدين أبوها ما رد بعدين أمها ما ردت والحين أخوها ,, وتحس إن الموضو صار مثل الجبل ,, مع أن الحقيقة أن الموضوع مثل حصاة صغيرة ,,

الموضوع بسيط يا سيدي ,, الكلام هنا ما راح يقدم ولا يؤخر ,,

روح لهم البيت حتى لو من دون ميعاد ,, واجلس مع زوجتك وتفاهم معها ,, ترى الموضوع بسيط ,, لا تكبر الموضوع ,,

,,


,,

و في الريح من تعب الراحلين ,, بقايا
,, جُذَيْلُها المُحَكَّك ,, ماستر في تخصصي علم النفس والخدمة الاجتماعية