شف ياغالي

كل اللي قلته في وجوب استئذان الزوجه صحيح
والزوجه الطيبه الخلوقه تستأذن زوجها في كل خروج فان اذن لها ولا ترجع.

لكن ياحبيبي بكره بتكثر اشغالك ويكثرون عيالك على خير وتصبح شدتك في غير محلها.

وش ضرك لو وافقت تروح عند اهلها اسبوع
تتونس وتغير جو بدل ماتقعد بلحالها
خصوصا انت مسافر ومانت بحاجتها
المسأله ماهي عسكريه وانا اخوك


انا اشوف انكم اثنينكم غلطانين
انت بشدتك اللي في غير محلها
(تبيها تجلس اسبوع بلحالها بدون حاجه)
وهي بكسر كلمتك

وما انصحك تكبر الموضوع وتوصله للطلاق
ازعل وبرطم فتره الين يطيح الحطب
وحذرها انها تكسر كلمتك مره ثانيه

وانت ارخ شوي
وخل بينكم شعرة معاوية

موفق ياعزيزي