حبيبتي ابتسامة ورد
انك لا تهدي من احببت
الهداية بيد رب العالمين
لا انتي ولا اهلك ولا كل الناس
اذا هو ما اصلح نفسه خلاص
ايش الحل يعني تستمري تبكي
اكيد لا
تقولي من تزوجتيه تبكي
ومن تزوجتيه حاسه بالظلم
يعني سنين تدوري بنفس الحلقة
متبعة نفس الاساليب
وهو حفظك اكثر من نفسك
عارف مطالبك
عارف مخاوفك
ويعاملك على هالاساس


نصيحتي لك ولنفسي ولكل الزوجات
قدري نفسك.. حبي نفسك
حب الذات مايعني انانيه
لكن ارحميها من الجلد واللوم
ارحمي نفسك من البكا والحزن
لا تسمحي له او لغيريه بتدمير نفسيتك

كل وحده منا ولها همومها
اوكي نبكي نحزن يوم يومين
بعدين ندور حلول ماسبق جربناها
موضوعك هذا واللي قبله
جتك نصايح بالبحث عن عمل
او عمل مشروع صغير
انتي متجاهله هالشي
ومرتاحة على جلد الذات
نقدر كلنا نعمل مثلك
وضريبة هالشي بتندفع بعدين
من صحتك وعمرك ومظهرك الخ

يا الغالية زوجك مو محور الكون
صحيح انه مستفز جدا
بس خلاص المشكله فيه مو فيك
لا تتسولي عطفه واهتمامه
اوكي ندري انها حقوقك
وهو هاضمها
جزاه عند رب العالمين
لا تعتقدي التذلل بيأثر فيه
بالعكس هذا اللي يخليه يعند اكثر
اسلوبك يعطيه دافعيه
يحسسه انك تستحقي هالتعامل
يريح ضميره كثير كثير
انتي جالسه تعززي سلوكياته
لانك مستمرة بلوم ذاتك
مستمره بالاستجداء
حتى التطنيش اللي نصحوك فيه مرعبك


حبيبتي انتي طيبة ومخلصة
وتستحقي حياة افضل
اطلعي من سجن الالم
تكيفي مع الواقع
واخلقي لنفسك حلول جديدة
اعملي ادرسي تحركي