صحيح انا عرفت انها كـدا .. لان انا كنت كدا مع زوجي السابق كان يعاملني بهدا الاسلوب
وكنت ازيد عناد واخرج مع اهلي واتمشى بدون اذنه وهو يستمر بالبعد والهجر واطلب الطلاق منه دائما وكلم اهلي اكثر من مرا بس كنت احس ماحد يحس الي بداخلي لا هو ولا اهلي ابغى احتوااااااااااء مو شده ..
لان كنت اشوف تصرفاته وشدته معايا ماتمشي مع شخصيتي .. كان يعاملني بشده ويهجرني ويعاقبني ووو نفس الاسلوب
وشخصيتي مثل زوجتك كانت تصرفاته تطلع لنا بنتائج عكسيه .. لأن ما اتحمل انه يهجرني واحس انه يفكر بس بنفسه وما هميته سواء رضيت او لا وانه اناني ..
الين طلبت الطلاق ..
والان تزوجت من شخص اخر يعاملني عكس الاسلوب هدا .. ابـدا مايشد عليا ولا يهجرني مهما حصل تعامله معايا ولله الحمد بالين يعني عكس الشده والحضن بدل مايهجرني ويكلمني بأسلوب هادي يناسب شخصيتي وعقلي واتفهم كلامه ويوصل لقبي وعقلي وافهم وجهة نظره وتلقاني لاشعوريا اتكلم بهدوء ومافي اي عنااااااد سبحان الله

فجرب دا التصرف معاها احساسي يقول انها حتمشي بهدا الاسلوب
بس السؤال هو انت تقدددر على كدا ؟؟؟؟

__________________
لاتسعى لتصحيح ظن احد بك ££ خالقك ينظر لقلبك وهذا يكفيك