المشاركة الأصلية كتبت بواسطة أبله دلال

انت شكلك هاااادي وبارد ومستفز
وهي طاااايره ومفرقعه وعايشه دور البطولة

اول شي انت غض البصر زين ! خلني من الردود المنمقة ومن المثاليات انت غض البصر للمرة المليون نقولها لك ولاتقول النظرة الاولى والنظرة العاشرة غض البصر واحترم مشاعرها ولاتولعها

وحاول تسوي اعادة هيكلة لحياتكم الزوجية
مهما كان الرجل له احترامة ،، الصراخ الزايد والبربرة الواجدة والتحدي اللي ماله داعي وهي عارفه انها اخر شي هي اللي بتتصل وهي اللي بتبكي وهي اللي بتنهار
صوتها لاترفعه عليك بمجرد مايرتفع تنهي النقاشات على طول بإسلوب صارم وتطلع من المكان وترفض تناقشها لين هي تتعود ان النقاش بصوت منخفض وفي جلسة وديّة والطرفين لهم احترامهم ..
وثقافة الإعتذار لازم تطور نفسك فيها
انا سنوات متزوجة مرات معدودة ولا تذكر اللي قلتله او قالي " آسفـ/ـه "
اراضيه بأشياء كثيرة ويراضيني بأشياء كثيرة بدون اعتذار مباشر وواضح ورسمي وممل ،
المهم يكون الاعتذار من قلب ..
وزوجتك لازم تعرف كيف تتحكم في افعالها وردود افعالها
"لأن حقيقة الشخص الهائج منظره مضحك! ولو هي فعلا تشوف نفسها وحركاتها وقت الغضب بتنحرج وتضحك
انزل واعصب وافك الطرحة واتحدى واكلم واهاوش وبخلي الولد واكلم اخته واكلم امه و و و كلها كلها تصرفات حمقا تحتاج ضبط واتزان وان قدرت تنسخ كلامنا وتكتبه لها يكون افضل عشان تعيد حساباتها "
المرأه الذكية بتاخذ كل اللي تبيه بس وهي عاقل ورزين ولها مكانتها واحترامها وحضورها