رد: كوفي تجمع الصبايا 4
على طاري القص.
مهرة شعرها كان واصل لين آخر ظهرها .. وما شاء الله كثيف لدرجة إنه كان يتعبني في الغسيل والتمشيط.
السنة الماضية طلع في راسها تقصه!! .. طبعاً السبب ثنتين صديقاتها في المدرسة شعرهن قصير والسالفة عجبتها.
حاولت أثنيها وأغريها بأن الشعر الطويل أحلى وأكشخ .. بس ما اقتنعت .. قال إيه الشعر القصير أحلى.
كان ممكن أمارس سلطتي وأتجاهل طلبها .. لأن غميضة والله هالشعر ينقص .. لكن تذكرت أن نفس الموقف صار لي مع أمي الله يرحمها .. وهي كانت رافضة رفض قاطع إني أقصه .. والنتيجة إني عملت مصيبة كارثية في سبيل الشعر القصير .. وندمانة عليها لين الحين.
طبعاً مهرة أصغر مني لما مريت في ذاك الموقف .. لكني ما حبيت أنها تحس بنفس المشاعر اللي حسيت فيها لما أمي رفضت إني أقص شعري.
ولما وديتها الصالون وقصت شعرها .. طلعت طايرة من الفرحة .. ويا ماما صوريني خلهم يشوفون شعري. 
ولازالت حابة شعرها القصير .. وكل ما طول شوي قالت لي باقصه.
على كل حال مصيرها تندم .. وأنا في انتطار هذا اليوم.
__________________
اللهم طِيبَ الأثر .. وحُسْنَ الرحيل.
التعديل الأخير تم بواسطة مهره ; 07-02-2017 الساعة 09:12 AM
07-02-2017, 09:11 AM
ضوابط المشاركة
العرض الشجري