الحمدلله انا مرتاحة
واموري مع زوجي كويسه
بس المشكله بالاطراف الخارجيه
تحديدا اهل زوجي
امس يقول اختي انخطبت بنتها
قلت مبروك
قال بتدقي تباركي لها؟
قلت مدري بشوف

لاحظوا اخته هذي عرضت تخطب له
وهو علمني وقال انه رفض
كان يحاول يبين تمسكه فيني
بس انا انقهرت منها
لاني ولا مره اذيتها

الشيء الثاني
جاء زوجي قال بطلب منك طلب
قلت تفضل
قال خالتي عملت عمليه قبل شهر
وابغاك تكلميها وتتحمدي لها بالسلامه
قلت صعبه مر شهر
وانا اصلا ما كنت اعرف هالشي
قال والله ماتدري انك زعلانه عند اهلك
تعذري منها بتأخير اتصالك
وعادي تطمني على صحتها
تدري خالتي تهمني وماراح تخسري شي

اعتذرت بهدوء
قلت له شكلي اهبل ادق بعد شهر
بعدين خلي الامور ترجع لمجاريها بالهداوه
انا علاقتي باهلك كانت ممتازه وانت خربتها
فلا تجي الحين تقول باركي وكلمي واسألي
الوضع الان تغير

طبعا ما اعجبه كلامي
بس براحته

رأيكم يا اخوان؟

حتى تكون الصورة واضحة
انا قبل المشكله كنت متواصله معهم
بكل مناسبه اكلمهم واهديهم
وراقيه معهم كلهم
واقدرهم واوقف معهم وكل شي

ناس لي شهور ما ادري عنهم
بعد المشكله
قطعوا علاقتهم فيني وباهلي
ولا ادري ايش واصلهم عني
بيقولون اول مارجعها كلمتنا
شكلي سخيف جدا
ويمكن يظنون اني ماصدقت ارجع له
رغم انو هو بذل المستحيل حتى يرجعني

وبصراحة ماهموني ولا فكرت فيهم
وكنت ناويه اسحب نفسي منهم
مو لازم اشوفهم كل اسبوع
مره بالشهر او الشهرين وخلاص
ما استفدت شي من الركض وراهم
الا قله القيمه والمرمطه
حتى زوجي وقتها مابين بعينه
وكان مرخصني ومو مقدر هالشي


لكن هو بادرني بهجمه مرتدة
وجلس يتطلب اكلم فلانه وعلانه

حبيبتي
اهله مالهم دخل
اذا تدخلوا الاهل قلتو تدخلو
واذا ماتدخلوا قلتو سحبوا علينا
وزوجك مو صادق دايما
هل انتي متاكده ان اخته قالت بخطب لك
يمكن من راسه يبغى يبين لك انه مرغوب

صح كلامك
بس دام طوينا الماضي نطويه بمواقفه
يعني ما اكلم وحده من شهر عمليتها
واتعذر اني تأخرت عليها
مو منطقي

انا علي في اللي جاي
اذا صار شي مستقبلا ممكن
هو يقول خالتي عمليتها قبل شهر
وخطوبه بنت اختي قبل شهر ونص
روحي كلميهم بأثر رجعي
مايصير
توي بسم الله من24 ساعه دخلت البيت

بعدين حتى عند اهلي
اللي خطب واللي جاه ولد الخ
ما اتخيل اقول له كلم فلان وعلان


اوكي هو عنده اهله رقم واحد
بس مو وقت مجاملات
استغرب شاغل نفسه بهالتفاهات
وانا من الصدمات صرت اكبر عقلي
يعني بيقولون عني مو ذوق؟
اوكي يقولون اللي يقولون
ماراح تنقص لي يد ولا رجل

اتصالي بامور قديمه صارت وخلصت
يحرجني كثير
كأني مت ورجعت حيت من جديد

موقفج صحيح يا روان.

__________________


اللهم طِيبَ الأثر .. وحُسْنَ الرحيل.

حبيبتي مهره ريحتيني
لانه تضايق من رفضي
ولا لي رغبه ادوش راسي بالناس
عندي امور حاليا اهم بكثير

حبيبتي روان
مااتكلم عن الي عمليتها من شهر
حتى انا ماراح اكلم شخص طافت المده المنطقيه لتوجيبه
اتكلم عن انك شايله على اهله
وتقولي مابزورهم ومابين بعين ولدهم
لاتدخلي وانتي شايله عليهم بدون دليل مؤكد
اذا زوجك نقص عقله صيري اعقل منه وتعاملي طبيعي

مبروك الرجعة حبيبتي..

زوجك لازم يطلع شوية من سوق النسوان.

انت عليك بامه وابوه تشيلينهم فوق راسك وتسألي عنهم ماعليه..

فهميه يطلع من شغل النسوان سواء خالته او غيرها.. ويركز على حياتكم خاصة في الوقت الحالي..


ريحي راسك ولا تكثري الجبهات

__________________
{قُلْ يَا عِبَادِيَ الَّذِينَ أَسْرَفُوا عَلَى أَنفُسِهِمْ لا تَقْنَطُوا مِن رَّحْمَةِ اللَّهِ إِنَّ اللَّهَ يَغْفِرُ الذُّنُوبَ جَمِيعًا إِنَّهُ هُوَ الْغَفُورُ الرَّحِيمُ}

صدق الله العظيم

ايه والله اتفق معك ميه بالميه
امممم يمكن لان لسى في حزازيه
وهو خاش عرض الله يهديه

اااه بس يا مسك
جيتي عالجرح
مشغل نفسه بامور نسوان
جددددد هذا طبع صعععب

انحرج اقول له هالشي مباشره
بينصدم ويقاوم ويدافع عن نفسه
مالي الا اتجاهل واطنش
علما باني لما ولدت زمان
قال لي اخواتي بيزورونك
وكنت لسى طالعه من غرفه العمليات
قلت اعذرني تعبانه.. يعطوني يومين
جلس زعلان علي وقتها كل نفاسي
سخافه والله
بس انا اعمل اللي براسي وخلاص