عزيزتي ميما الله يقومك بخير وسلامة
بالفعل بترجع حسب الزوج
انا زوجي من النوع لهلئ بيقرف من شي اسمه دم وبيصفر اذا شاف دم والكل بيعرف عنو هالشي
ووقت ولادتي كل اصحابه قالولنا مستحيل انو يدخل لانو ما رح يتحمل
وقبل بشهرين من ولادتي بإبني شفنا مكان الولادة واتفقنا يدخل معي ليساندني وكرمال يترجملهن كوني ممكن وقت الوجع ما اقدر عبرلهن بلغتهن
وخبرهن انو يحطوا فاصل وهو بيوقف فوق راسي ليقرأ قرآن لتيسير أمر ولادتي وهيك ما بيشوف شي
وشارطهن انو ما بيقدر يقص الخلاص ولا يشوف اي شي
ووقت الولادة سبحان الله هو ما عرف كيف وقف معهن وشاف الولادة لحظة بلحظة واجته الشجاعة وطلب منهن يقص الخلاص
وضل واقف لنظفوني ونقلوني لغرفتي
وكان قبل رافض اني سمي اول ولد الاسم اللي اخترته بس من بعد ما حضر الولادة طلب مني انا اختار الاسم بعد ما عرف شو يعني ألم ومعاناة
والتلات اولاد انا سميتهن بطلب منه
وبالولادة التانية كمان حضرها
وببنتي ولدتها ببلدي وصار كل شي فجاة دخلت عالمعاينة وما لحقت ياخدوني على غرفة الولادة
وصار يخبط عالباب يقلهن بدي ادخل معها وحكيت دكتورتها من قبل اني احضر الولادة
فضهرت الممرضة بعد 10 دقايق وحاملة بنتي على ايدها وقالتلو صار كل شي بسرعة ومنيح انو لحقنا زوجتك واعتذرت منو

ولحد الآن اذا بدو الدكتور يسحبله دم مستحيل ينظر للدم ولازم كون معه
بس بالولادة لحد الآن ما عنده تفسير كيف بيتشجع وما بيقرف
ومرة قلي انا شفت معجزة قدامي وقت حضرت الولادة


الخلاصة ممكن زوجك يكون ما بيقرف ويصير عنده حالة قرف بعد الولادة
وممكن يصير العكس
فكرمال هيك صعب ننصحك اذا مع او ضد

دعواتي ترافقك ⚘⚘⚘

__________________





اللهم إني أستودعك ديني و نفسي وأهلي وزوجي
وأولادي وأحبتي فاحفظهم يا من لا تضيع ودائعه