حبيبتي زوجك صفاته جيده من غير هالعيب وأنت لك معه 7 سنين وعارفته تمام
واضح إنك ماتبين الطلاق
لذلك ممكن تجيبين لأهلك هدية وتقولين اعتذر بالنيابه عن فلان أو فلان يسلم عليكم بس ترا هو كذا طيب لكن لسانه متبري منه ولما يعصب مايعرف أمه وأبوه واللي صار صار والله ودي أرجع لذيك اللحظة ولا أدخل نفسي وأدخلكم في هالمشكلة

ثم مستقبلا لاااااا تدخلين أحد في مشاكلك الله يعافيك
كل العيلتين صار فيها استنفار عشان نشافة
فعلا الموضوع مستفززز جدا لكن زوجك وأنت عارفته
ويكون بعلمك القصه مو جديدة كثير اسمع زوجات اشتروا أجهزة والزوج ماركبها لأنه منقهر إن أحد يتصرف ببيته من غير اختياره

عزيزتي أنت وزوجك بينكم محبه ولحظات حلوة وتنازلات و و و
لكن لما يطلع الأمر منكم لأهلك يتحيزون لك ويكرهونه ويصدونه لأنهم ماشافوا منه العشره اللي شفتيها
ونفس الشيء لما يطلع لأهله حتى لو كان ظالم ولدهم مايهون عليهم يتمرمط

اصبري وادعي له بالهدايه وحسن الخلق واعرفي مداخله حتى ينجز أمور البيت الله يسخره لك