السبت الصباح لما كنا بطريقنا لمكه
رن جوال اخوي اكثر من مره
كان ابو اولادي يتصل عليه
اخوي طنش مرتين ثلاث
ورجع رد عليه
واخوي كان عادي بالمكالمه معه
ولما قفل منه
قال لي انه راح بيت اهلي
وجاب بنتي
وكان جايب معه اولادي بيخليهم عندي الين الليل
ويرجع ياخذهم بس ماشافني موجوده فأخذهم معه( قلت لأخوي انه كذاب ومتأكده انه ماجابهم ويمكن جاب بنتي بس)
ولما تأكد ان احنا رايحين مكه
قال ليش ماقلتوا لي
والصغيره وينها
وليش تاركينها واني مو أم ووو
وان أمه جايه اليوم عندنا
بعدين قلت لاخوي يدق على امي
كلمتها
وقالت انه جاب البنت للعامله
ورجع اتصل عليها
وقالها ان امه جاية بعد المغرب
قالت له اني مو موجوده
ورحت مع اخوي مكه
قال لها طيب بس امي جايتكم بعد المغرب
قالت حياها الله
سالتها جاب سيرة الاولاد
قالت لا
طلبت اكلم بنتي
وسالتها اسامه وسامر كانوا معكم بالسياره
قالت لا نايمين عند جدتي
فعلا طلع كذاب
توقعت لانه بيتعذر بعدين
ويقول انا جبتهم وهي مش موجوده
المهم طنشت ووصلنا مكه
وتناسيت كل هذا
اعتمرت والحمدلله
دعيت ربي كثير
كل صلواتي في الحرم
افضل يومين قضيتهم بحياتي 💙
ارتحت كثير كثير
ماقدر اوصف شعوري بهاليومين 💙
بس يكفي اني كنت احس بأمان وقتها
وراحة بال وطمأنينه


كانت تجي اتصالات لاخوي
من امي وابوي ومن ابو اولادي
رفضت اسمع اي شي
لاني ابغى اعيش هالكم يوم
من غير ماشغل نفسي وتفكيري بأي احد
حتى لما يجي له اتصال
أقوله يطلع من السياره يكلم اللي يبي
كنت اتمنى اقضي ايام اكثر
بس جا لاخوي ظرف عمل طارئ
ووعدني نرجع قريب بإذن الله
بعد مارجعنا ووصلت البيت
سلمت على امي وابوي وبنتي
قالت لي امي
ان عمتي جات
وعرفت انه حصل الطلاق
وقال لها انه حصل خلاف بسيط وسوء فهم
وانه مد يده علي
وجات هي تعتذر عن ولدها
وحابه الصلح
امي من معزتها لها قالت لها اذا جات بنتي من مكه يصير خير
قالت لها انها بتجي زياره ثانيه اذا رجعت
وبتجيب معها احفادها
وان مافي احد بيحرمني منهم حتى لو ابوهم
وقالت ان ولدها غلطان وكلام كثير
ماهتميت للكلام طلعت غرفتي ريحت راسي ونمت
واليوم الصباح لما رحت موعدي
اخوي قال لي ان ابو عيالي وعمه بيجوا الخميس او الجمعة عند ابوي

انا مو هامني هذا كله
ومطنشه وكأني مو سامعه شي ولا اشوف شي
بس كلمت ابوي اليوم وقلت له لا تتخذ قرار عني وتوافق
انا للحين ماغيرت راايي عن الرجعه
قال لي ماراح يصير شي وان يمكن مو جاييين عشان الصلح
يمكن زيارة عاديه وصعب نقولهم لا يجون