السلام عليكم ورحمة الله وبركاته


بما إني مطلقه وأم لأجمل طفل
الله يحفظه ويخليه ماشاءالله
واحمد الله اولا واخيرا على هذه النعمه

وكتبت العنوان لإستغرابي فعلاً
من اللي يبي يتقدم لمطلقه وعارف انه عندها اولاد

كيف يتجرأ ويطلب الزواج بشرط بدون عيالها؟!!!

طيب وش ذنبها اذا زوجها الاول مافيه خير

ووش ذنبها اذا انها محتاجه زوج يحتويها
وتعيش معه بأستقرار وحب وتعينه ويعينها على هالدنيا اللي كلها فتن

يعني ليش لازم تخير بين زوج او اولاد

وبما إنه الاجابه 100٪‏ معروفه انها اكيد بتختار اولادها
وخاصه اذا مالهم بهالدنيا غيرها

فصدق شي قاهرني وحبيت استفسر عنه

و اقول لكل رجل رفقاً بالمطلقه
ومن الأساس ياليت الواحد مايتقدم لمطلقه ومعها عيال
ويشرط عليها بدون عيالك لأن صدق شي يجرح
وخاصه انها مستحيل بتترك عيالها

ومن قلبي اقول
الله يرفع حظنا ويرزقنا من حيث لانحتسب
وحسبي الله على كل رجل يستسهل كلمة طالق

__________________
أم لأجمل طفل 👦🏻
ماشاءالله لاحول ولاقوة إلا بالله
اللهم متعني ببره في حياتي

أسأل الله العظيم رب العرش العظيم أن يرزقك ويرزق بنات ونساء المسلمين بالازواج الصالحين ويرزق شباب المسلمين بزوجات صالحات

__________________
اللهم اني استودعك اولادي وبناتي دينهم وآمانتهم اللهم جنبهم الخمر والمسكرات والمخدرات والزنا واللواط والفتن ماظهر منها وما بطن يامن لاتضيع ودائعه

__________________

اختي انا واحد من اللي خطبوا مطلقه عندها ولد وبنت واشترطت انهم يصيرون عند جدانهم ويجون زياره
مع اني احب الاطفال جداً
ولكن اختي فيه اسباب تخلي اكثر الرجال يشترطون هالشرط
وهو اولاً عشان اولادها يسكنون معنا فـ لازم ماتكون حساسه بزياده بالنسبه لعيالها
يعني طالما انهم ببيتي راح اعاملهم مثل عيالي وراح اعاقب المخطىء واشد ببعض الاحيان عليهم وبعض الحريم ياساتر ماتبي احد يقول لولدها لا
بعضهم تزعل من ابوها اذا هاوش ولدها وهذا صعب طبعا

ثانيا الموضوع صعب للي عنده اولاد
لان طبيعي راح يصير فيه مشادات بين الاطفال وطبيعي راح تحامي عن عيالها وهنا راح يكون المشاكل
هذا غير ان الولد بطبيعته يغار على امه من اي رجال غير ابوه وهذا يسبب بعض المشاكل

نعم .. كلامك صحيح واضيف عليه بعد لو كان عياله وعيال زوجته فيهم أولاد وبنات
وشلون يعيشون مع بعض في بيت واحد لما يبلغوا ؟!



الأخت ام الغالي .. أبسألك
لو تقدم لك شخص عنده أطفال وشرط عليك أن أطفاله يعيشون معكم
بتوافقين ولا بتقولي مثل معظم الحريم وش دخلني بعيالك ؟

__________________

والله انا عن نفسي الان
وبوضعي الحالي كمطلقه وأم لولد
اتمنى يجيني مطلق وعنده ولد والا ولدين
ونربي عيالنا سوا ويراعي الله فيني وفي ولدي
وانا اراعي الله فيه وف اولاده
ومتمنيه يكونون اولاد عشان اذا بلغ ولدي مايتغطون مثل البنات
لأن احس صعب اخذ مطلق ومعه بنات بيصير الوضع صعب من ناحية ولدي
وانا كأم مستحيل بستغنى عن ولدي

__________________
أم لأجمل طفل 👦🏻
ماشاءالله لاحول ولاقوة إلا بالله
اللهم متعني ببره في حياتي

__________________

ياأختي اذا تقدم لك زوج مناسب الرجاء منك الموافقه ابنك راح يكبر ويتزوج وينشغل بحياته ، وممكن التوفيق بين تربية ابنك والزواج اذا امك موجوده تتركين الولد عندها وتباشرين زوجك ومنها تزورين ولدك وقد مع الوقت يوافق زوجك ويعيش ولدك في كنفك او يقعد عند ابوه ويزورك متى مابغيتيه ، لا تضيعين شبابك وفرصتك بالحياة وخاصه راغبه بالزواج ولدك ماهو عائق ...!

__________________
رَبِّ أَعِنِّي وَلَا تُعِنْ عَلَيَّ، وَانْصُرْنِي وَلَا تَنْصُرْ عَلَيَّ، وَامْكُرْ لِي وَلَا تَمْكُرْ عَلَيَّ، وَاهْدِنِي وَيَسِّرِ الهُدَى إِلَيَّ، وَانْصُرْنِي عَلَى مَنْ بَغَى عَلَيَّ، رَبِّ اجْعَلْنِي لَكَ شَكَّارًا، لَكَ ذَكَّارًا، لَكَ رَهَّابًا، لَكَ مِطْوَاعًا، إِلَيْكَ مُخْبِتًا قَلْبِي

مع هذا الرد



اشرطي سكن قريب من أمك تقدرين تشوفين ولدك وترجعين بيتك

__________________
اللهم اني استودعك اولادي وبناتي دينهم وآمانتهم اللهم جنبهم الخمر والمسكرات والمخدرات والزنا واللواط والفتن ماظهر منها وما بطن يامن لاتضيع ودائعه

ممكن مثل ماذكر الاخ المتواضع
عموما اختي لاتشغلي بالك ووكلك امرك لله
اذا جا خطيب ساعتها فكري وادرسي وضعك
الحين ارتاحي واستمتعي بتربيه ولدك وتقربي من ربك